Pa acceder a estudios universitarios de grau dende'l Bachilleratu, ye imprescindible aprobar la fase d'accesu de la prueba d'evaluación del Bachilleratu pal accesu a la Universidá (EBAU). Pela so parte, los estudiantes que tean en posesión de los títulos de técnicu superior de Formación Profesional, técnicu superior d'artes plástiques y diseñu o técnicu deportivu superior van poder acceder ensin necesidá de realizar la prueba, a nun ser que deseen dir a la fase d'almisión pa subir la so nota.
Esiste, amás, la posibilidá de camudar de grau por aciu de la solicitú de cambiu d'estudios y/o universidá y tamién se dexa la matrícula como estudiante visitante n'asignatures o cursos aisllaos, col fin d'ampliar conocimientos non conducentes al llogru de títulos oficiales.
Nel casu de contar con un títulu universitariu de grau, diplomáu universitariu, arquitectu técnicu, inxenieru técnicu, llicenciáu, arquitectu, inxenieru, correspondientes a l'anterior ordenación de les enseñances universitaries o títulu equivalente, los estudiantes van realizar el mesmu procesu de solicitú de plaza que'l restu d'alumnos qu'entamen estudios universitarios. Los centros acuten ente un 1% y un 3% de places pa titulaos.
Accesu a posgraos
La Universidá d'Uviéu cuenta con una completa ufierta d'estudios de posgráu: másteres universitarios, títulos propios y programes de doctoráu. Pa entamar estos estudios ye necesario tar en posesión d'un títulu universitariu y d'un máster oficial nel casu del doctoráu. Tola ufierta ta coordinada pel Centru Internacional de Posgráu.
- Precios públicos pa estudios oficiales (Grau, Máster y Doctoráu) durante’l cursu 2022-2023
- Importe del créditu n’enseñances oficiales pa estudiantes estranxeros non residentes y pa estudiantes visitantes nel cursu 2022-2023.
Enllaces rellacionaos
L'estudiante que desee cursar un máster universitariu tien de contar con un títulu universitariu oficial español o otru unviáu por una institución d'educación superior perteneciente a otru Estáu integrante del Espaciu Européu d'Educación Superior que faculte nel mesmu pal accesu a enseñances de máster.
Polo que respecta al doctoráu, la Universidá d'Uviéu cuenta con tolos sos programes adaptaos al Espaciu Européu d'Educación Superior. Pa entamar el doctoráu ye tar en posesión d'un títulu oficial de máster universitariu o equivalente anterior a la implantación del EEES. La fase de doctoráu ye fundamentalmente investigadora y, por tantu, requier un procesu d'almisión particular rexíu pola comisión académica del programa de doctoráu.
Nel casu de los títulos propios, la institución académica asturiana ufierta programes de máster, especialista y espertu, con una clara orientación profesional en toles rames de conocimientu. Pa la realización d'un máster, cursu d'especialista o espertu esíxese como requisitu previu tener un Títulu Universitariu oficial. De forma escepcional, pueden almitise profesionales directamente rellacionaos cola especialidá del cursu qu'escarezan de titulación, siempres qu'acrediten documentalmente esta profesionalidá y axunten los requisitos llegales pa cursar estudios na Universidá.
Documentos rellacionaos
- Pa trámites rellacionaos col accesu (EBAU y otres pruebes de accesu) escoyer: Unidá d’Accesu
- Pa trámites rellacionaos con preinscripción seleccionar: Unidá d’Estudiantes
- Pa información xeneral escoyer: COIE.
- Matrícula on line pa iniciar y continuar estudios de grau
Almisión d'alumnos nuevu ingresu
Les persones que deseen entamar un grau na Universidá d'Uviéu tienen que solicitar plaza (preinscripción) como trámite previu a l'almisión y a la matrícula.
Ye importante saber que quien se preinscriben na convocatoria ordinaria, la denominada Fase A, y nun llogren plaza en nengún de los estudios solicitaos tres la publicación de la segunda axudicación de places, o que, llográndola, atópense en llista d'espera d’una o delles titulaciones de mayor preferencia, tendrán que confirmar espresamente'l so interés de permanecer na llista. Pa ello tendrán qu’aceder cola so clave y contraseña y marcar la opción de permanecer en llista d'espera
Esti trámite ye obligatoriu pues la non confirmación de la voluntá de permanecer na llista d'espera implica’l desistimientu de la solicitú d'almisión nes titulaciones afectaes.
Estudiantes col títulu de Bachilleratu que superaron la EBAU / PAU
La solicitú de plaza (preinscripción) realízase al traviés de l'aplicación informática que s'activa en www.uniovi.es, nel periodu oficialmente establecíu, utilizando l’usuariu y PIN facilitáu al estudiantáu nel momentu de la so matrícula na EBAU / PAU de la Universidá d'Uviéu. Pa quien vengan de otros distritos universitarios, l'aplicación axudicará-yos un PIN al rematar el procesu de solicitú de plaza. L'alumnáu tien de comprobar si atópase almitíu consultando les llistes d'almisión y, de ser asina, formalizar la matrícula nos plazos indicaos.
La solicitú de plaza puede efectuase en cualesquier universidá. Toles places de los estudios con llende d'almisión ufiértense en distritu abiertu, esto ye, compítese colos solicitantes de cualquier distritu universitariu español. Pueden solicitar el númberu d'estudios que ponga cada universidá (la Universidá d'Uviéu almite un máximu de 10 estudios) y en tantes universidaes como desee. Ye necesario recordar que se realizará namás una solicitú de plaza per distritu universitariu o comunidá autónoma.
Estudiantes de sistemes educativos españoles anteriores a la Llei Orgánica 2/2006 (LOE)
Quien tuvieran en condiciones d'acceder a la universidá según ordenaciones del sistema educativu español anteriores a la Llei Orgánica 2/2006, de 3 de mayu, d'Educación, incluyendo estudiantes col Cursu d'Orientación Universitaria (COU), tendrán d'acreditar la superación de la prueba d'accesu a los estudios universitarios o dalgunu de los requisitos d'accesu del sistema educativu correspondiente.
L'estudiantáu va poder ameyorar la so nota na fase d'accesu y/o almisión de la EBAU, regulada na Orden PCM/63/2023, de 25 de enero
Estudiantes cola prueba de Mayores de 25 años superada
La superación d'esta prueba da accesu a los estudios universitarios oficiales de grau. Acútase un 3% del total de places ufiertaes. Pa l'almisión, va ser preferente la estaya de conocimientu a la que tán venceyaos los estudios y necesítase tener superada la prueba na Universidá d'Uviéu.
Estudiantes cola prueba de Mayores de 40 años con esperiencia llaboral superada na Universidá d'Uviéu
La superación d'esta prueba da accesu, namás, a los estudios de grau pa los que superara la mesma. Acútase un 1% del total de places ufiertaes.
Estudiantes cola prueba de Mayores de 45 años superada na Universidá d'Uviéu
La superación d'esta prueba da accesu a los estudios de grau impartíos na Universidá d'Uviéu. Acútase un 1% del total de places ufiertaes pa cada estudiu.
Estudiantes col títulu de Técnicu Superior o equivalente
Los que tengan el títulu de técnicu superior de Formación Profesional (CFGS), de técnicu superior d'Artes Plástiques y Diseñu o de técnicu deportivu superior del sistema educativu español, o col títulu, diploma o estudios que fueren homologaos o declaraos equivalentes a los títulos de técnicu superior, van poder acceder, ensin necesidá de prueba, a los estudios universitarios oficiales de grau.
Van poder meyorar la so nota d'accesu na fase d'almisión de la EBAU, regulada na Orden PCM/63/2023, de 25 de enero
Les solicitúes van ordenase aplicando'l criteriu de valoración de la so nota correspondiente a la media del espediente académicu del títulu de técnicu superior o equivalente (calculada según les normes establecíes pa cada ún) y, nel so casu, añadiendo les calificaciones llograes nes asignatures de la fase d'almisión, coles ponderaciones previstes.
Pa los títulos de Formación Profesional de sistemes educativos anteriores (F.P. de 2º grau y módulos profesionales de nivel III), la nota media del espediente va calculase acordies cola Resolución de 4 de xunu de 2001 de la Dirección Xeneral d'Universidaes, pola que s'establecen les normes pal cálculu de la nota media nel espediente académicu del alumnáu qu'accede a enseñances universitaries conducentes al llogru de títulos oficiales dende Formación Profesional y na resolución de 7 de mayu de 1996, pal casu d'estudios estranxeros convalidaos polos de formación profesional, o nes normes que sustituyan.
A quienes vengan de centros privaos va esixíse-y la certificación del centru públicu al que tea adscritu.
Estudiantes con titulación universitaria oficial o títulu equivalente
A los estudiantes en posesión d'un títulu universitariu oficial de grau, máster o títulu equivalente, asina como quienes tán en posesión d'un títulu universitariu oficial de diplomáu, arquiteutu técnicu, inxenieru técnicu, llicenciáu, arquitectu, inxenieru, correspondientes a l'anterior ordenación de les enseñances universitaries o títulu equivalente van disponer d'una reserva d'un 3% de les places ufiertaes (artículu 28 del R.D. 412/2014, de 6 de xunu)
Les solicitúes van ordenase según la nota d'almisión correspondiente a la nota media del espediente universitariu, calculada acordies colo establecío nel artículu 5 del real decretu 1125/2003, de 5 de setiembre, pol que s'establez el sistema européu de créditos y el sistema de calificaciones nes titulaciones universitaries de calter oficial y validez en tol territoriu nacional.
Los estudios de grau pueden cursase a tiempu completu o a tiempu parcial, pa ello ye abondo con matriculase d'un númberu determináu de créditos.
El réxime de dedicación escuéyese llibremente al empiezu decada cursu académicu
Estudiantes procedentes de sistemes educativos estranxeros
Documentos
- Información EBAU 2022 con ponderaciones
- Ponderación d’asinatures EBAU pal cursu 2021-2022 y siguientes. Aprobáu Conseyu de Gobiernu de la Universidá el 23/12/2020
- Ufierta académica 2022-2023
- Ufierta de places de nuevu ingresu pa enseñances de Grau cursu 2022-2023.
- Resolución de 8 de abril de 2022, de la Conseyería de Ciencia, Innovación y Universidá, pola que s’establez la reserva de places correspondientes a los distintos grupos d’accesu a estudios de Grau pal cursu 2022/2023
- Reserva de places correspondientes a los distintos grupos d’accesu a estudios de Grau pal cursu 2022-2023
- Acuerdu del Conseyu de Gobiernu de la Universidá d’Uviéu, pol que s’aprueba el procedimientu de solicitú de plaza y períodos de matrícula n’enseñances universitaries oficiales de Grau, pal cursu académicu 2022-2023
- Acuerdu de 12 de mayu de 2017, del Conseyu de Gobiernu de la Universidá d’Uviéu, pol que s’aprueba’l reglamentu que regula’l procedimientu d’almisión, los criterios de valoración y l’orde de prelación na axudicación de places de enseñances universitaries oficiales de Grau
Plazos de solicitú
- Resume de plazos de preinscripción y matrícula 2022-2023
- Solicitú de plaza n’otres universidaes españoles
Solicitú de plaza n’estudios de Grau
- Documentación necesaria según modalidá d’accesu
- Instrucciones pa realizar la solicitú de plaza (preinscripción)
- Solicitú de plaza y consulta de resultaos
- Ufierta de vacantes Fase E
- Procedimientu de solicitú de plaza n’estudios con places vacantes (Fase E)
- Impresu de Solicitú (Fase E)
- El períodu de solicitú ye dende’l xueves 15 de setiembre de 2022 hasta’l prósimu martes día 20 (ambos inclusive)
Matrícula
- Resolución de 2 de agostu de 2022 del Vicerrectoráu d’Estudiantes de la Universidá d’Uviéu pola que s’amplía el plazu de matrícula pa segundu y posteriores cursos de grau nel cursu académicu 2022-2023
- Instrucciones de matrícula Grau 2022-2023nstrucciones de matrícula Grado 2022-2023
- Matrícula de Grau
Reconocimientu de créditos de Grau
Más información y contactu
A partir del día 1 de xunu de 2020 l’atención al públicu será namás solicitando cita previa.
Dirección:
Centru d’Orientación ya Información al Estudiante (C.O.I.E.) C/ González Besada, 13, 33007 Uviéu
Horariu d’atención al públicu:
9:00 h. a 14:00 h. (9:00 h. a 13:00 h. del 15 de xunu al 21 de setiembre, ambos inclusive)
Teléfonu::
985 10 49 04
Fax:
985 10 39 33
Corréu electrónicu:
coie@uniovi.es
Enllaces rápidos
