La Universidá d'Uviéu ufierta la posibilidá de cursar una doble titulación de grau, de forma que l'estudiante, con cursar un solu añu más, dispón d'una completa formación acreditada en dos disciplines.
A la ufierta tradicional de graos, la Universidá d'Uviéu pon a disposición de los sos alumnos esti tipu de programes (PCEO: Programación Conxunta d'Enseñances oficiales), qu'otorguen al estudiante dos títulos de grau en menos tiempu que si cursaren los dos graos por separáu y cola garantía d'una formación completa y competitiva. Anguaño ufiértense trés dobles graos:
Física y Matemátiques
Entamó a impartise nel cursu 2012-2013. Esti grau tien una duración de 345 ECTS que se distribúin en cinco cursos académicos. L'alumnáu va poder escoyer ente dos opciones: Opción A na que predominen les asignatures del grau en Matemátiques y Opción B na que predominen les asignatures del grau en Física. Requier preinscripción previa a l'almisión y posterior formalización de la matrícula.
Alministración y Dirección d'Empreses y Derechu
Este doble grau entamó nel cursu 2013-2014. El mínimu de creditos esixíos pal llogru del títulu ye de 354 creditos ECTS en cinco cursos académicos. Esti títulu ta impartíu poles facultaes de Derechu y d'Economía y Empresa.
Inxeniería Civil ya Inxeniería de los Recursos Mineros y Enerxéticos
Esti doble grau ye impartíu pola Escuela Politécnica de Mieres dende’l cursu 2014-2015, y tien una duración de 5 cursos académicos. El númberu de créditos esixíos pal llogru d'esti doble títulu ye de 330 o 336 ECTS dependiendo de la mención escoyida.
Documentos:
Enllaces rellacionaos:
