La Universidá d'Uviéu ufierta un ampliu y completu catálogu de títulos propios que faciliten la especialización y dan respuesta a les demandes de formación continua de titulaos y profesionales en toles estayes de conocimientu.
El Centru Internacional de Posgráu de la Universidá d'Uviéu agrupa la ufierta formativa de los títulos propios col fin de contribuir a la formación de los sos graduaos y/o de profesionales. Al traviés d'estes enseñances, la institución académica respuende a les demandes sociales de formación, tantu xeneral como especializada o profesional, nos campos d'artes y humanidaes, ciencies, ciencies de la salú, ciencies sociales y xurídiques ya inxeniería y arquitectura.
La ufierta de títulos propios de la Universidá d'Uviéu ta constituída por cursos de máster, especialista, espertu, grau y formación de posgráu, con una clara orientación profesional y una alta participación d'empreses de la rexón y del restu del país, que collaboren na impartición de clases y/o tutela de les práctiques esternes. Amás, llogróse aumentar la ufierta de títulos propios interuniversitarios y flexibilizar el so maxisteriu al traviés de los cursos on-line o enseñances semipresenciales.
Los estudiantes que deseen entamar los estudios de títulos propios ufiertaos pola Universidá d'Uviéu tendrán que realizar la preinscripción por Internet o nes oficines del Centru Internacional de Posgráu.
Los requisitos d'accesu y la documentación que'l solicitante tien d'apurrir atópense nos xustificantes que tienen d'imprimir una vez remataes la preinscripción y/o la matrícula.
Preinscripción online y matrícula
Precios públicos
Ingresos públicos de matrícula máximos y mínimos:
- Cursos d'espertu (mínimu 200 hores): 1.150 € - 2.800 €
- Cursos d'especialista (mínimu de 350 hora): 1.970 € - 5.000 €
- Curso máster (mínimu de 500 hores): 5.000 € - 12.850 €
- Títulos propios de grau: 980 € - 1.700 €
Los precios aplicables a los programes de títulos propios van poder ser superiores cuando alleguen circunstancies escepcionales, en especial, aquelles que se rellacionen col so conteníu prácticu. Esta escepcionalidá tendrá de ser apreciada pol Vicerrectoráu de Xestión Académica y aprobada pola Comisión d'Ordenación Académica y Estudiantes.
Para conocer el costu d'un títulu propiu concretu tienen que consultase na páxina web les sos característiques particulares. (enllaz a la ufierta de títulos propios: http://cei.uniovi.es/postgrado/titulosyfc/oferta)
Datos de Contactu
- Dirección: Edificiu Históricu. Plaza de Riego s/n 33003 - Uviéu
- Teléfonu: 985 10 49 17
- Corréu Electrónicu: cip.comunicacion@uniovi.es
