La Universidá d'Uviéu ufierta al traviés del Colexu Mayor San Gregorio l'agospiu idoneu pa estudiantes, profesores y posgraduaos. La so ubicación estratéxica, nel Campus de Los Catalanes, da-y un entornu privilexáu dotáu d'amplies zones verdes frente al Parque d’Hibiernu o de La Manxoya, y coles instalaciones deportives universitaries anexes. Amás, combina les impresionantes vistes al cordal de L’Aramo col so céntricu emplazamientu, yá qu'en diez minutos de paséu se puede tar a la vera de la Catedral y al cascu históricu de la ciudá.
Xunto a la so función residencial, el Colexu Mayor ufierta un ambiente de convivencia, diálogu, cultura y llibertá que lu fai especialmente afayadizu. El fomentu de la participación na organización de tou tipu d'actividaes, sociales, culturales y deportives ye un oxetivu en sí mesmu.
Web del Colexu Mayor San Gregorio
