El Repositoriu Institucional de la Universidá d'Uviéu tien l’envís de dexar l'accesu llibre a la producción científica, asina como garantizar la conservación d'estos archivos dixitales, aumentando la visibilidá de los conteníos xeneraos polos miembros de la Institución. La Biblioteca de la Universidá d'Uviéu ye la encargada de la xestión del repositoriu dixital de la Universidá d'Uviéu y de la so actualización. Esti fondu electrónicu ta organizáu en delles comunidaes y colecciones pa que l’usuariu tope de manera rápida ya intuitiva la documentación que busca.
El Repositoriu de la Universidá d'Uviéu inclúi fondos antiguos de la Biblioteca de la Universidá, documentación sobre la historia de la Institución y gran parte de la producción científica xenerada pol personal investigador (tesis doctorales, investigaciones de proyectos europeos, documentos OpenAire, trabayos de fin de máster, memories d'investigación…) Amás, inclúi toles publicaciones editaes pola Universidá d'Uviéu.
El serviciu dexa a los usuarios interesaos rexistrase y recibir actualizaciones periódiques al traviés del corréu electrónicu. L'estensu fondu documental del repositoriu ofrez una mayor visibilidá a la investigación desenvuelta na Universidá y supón una apuesta consolidada por una xestión más eficiente y sostenible na institución.
Enllaces
