La divulgación, xunto cola educación y la comunicación científica, constitúi ún de los encontos sobre los que se sofita l'alfabetización científica de la sociedá, siendo esta necesaria pa que la ciudadanía sía más crítica y responsable na toma de decisiones y tea más comprometida colos retos actuales d'una sociedá globalizada. Nesti contestu, la Universidá d'Uviéu lidera dende va más de venti años l'espardimientu de la ciencia y l'innovación n'Asturies. Prueba d'ello foi la creación, en 2001, del Observatoriu de Cultura Científica, actual UCC+I de la UO, que coordina acciones de divulgación xeneral de la conocencia científica na nuesa institución.

L'horizonte d'actividaes de la UCC+I inclúi, dientro de los capítulos xenerales de comunicación, divulgación y formación sobre aspeutos sociales de la ciencia, la tecnoloxía y la innovación, iniciatives específiques como la organización de la Selmana de la Ciencia y la Tecnoloxía de la Universidá d'Uviéu, La Nueche Europea de los y les Investigadores, los Campus Científicos o de Xira cola Ciencia, ente otres munches.