La Universidá d'Uviéu pon a disposición d'empreses, particulares y entidaes públiques y privaes determinaes instalaciones y equipamientos en cesión o n’arriendu. Amás ufierta la posibilidá de contratar distintos servicios relacionaos cola investigación y colos medios audiovisuales.
La institución académica arrienda espacios universitarios disponibles pa la celebración d'exámenes, oposiciones, congresos, xuntes, cursos y otres actividaes sociales y culturales siempre que sían compatibles cola imaxe de la universidá y nun afecten al normal funcionamientu de les actividaes académiques que na mesma se desenvuelvan.
La cesión y arriendu de los espacios universitarios va producise dientro del marcu normativu xeneral recoyíu nes bases d'execución del presupuestu de la Universidá d'Uviéu pa cada exerciciu, con aplicación de les tarifes que nel citáu documentu s’aprueben.
Amás de los espacios, la Universidá d'Uviéu dispón de llaboratorios y talleres dotaos con un equipamientu punteru y son atendíos por personal técnico altamente cualificao, que puede ser contratao por persones ayenes a la comunidá universitaria. Ente los servicios que s'ufierten tamién s'atopa la elaboración de material audiovisual.
Documentos
