La Universidá d'Uviéu ufierta docencia y servicios universitarios en facultaes, escueles y centros adscritos. Más d'una ventena de centros abren les sos aules cada añu nos cerca de 20.000 alumnos que cursen estudios nes aules de la institución académica asturiana.

Nestos centros impártese tanto la docencia de graos como la de másteres universitarios, títulos propios o doctoráu, anque les enseñances de posgráu tán coordinaes y xestionaes dende'l Centru Internacional de Posgráu.

Amás de la docencia reglada, los centros cunten con numberosos servicios pa los estudiantes, profesores y investigadores y personal d'alministración y servicios, como biblioteques, sales d'estudiu, aules d'informática o la realización de cursos d'estensión universitaria, formación n'idiomes o programa para mayores (PUMUO), ente otros.