La Universidá d'Uviéu dispón d'un ampliu númberu de servicios destinaos a la comunidá universitaria y tamién a la sociedá. L'estudiantáu, profesoráu, personal investigador y personal d'alministración y servicios puede tener información completa y de bon accesu nesti serviciu online.

La información sobre servicios y trámites d'interés pa la comunidá universitaria recuéyese nel Catálogu de Servicios, qu'inclúi amás l'accesu a los formularios –electrónicos y imprimibles– correspondientes a dichos servicios. El catálogu puede consultase estructuráu por perfiles (alumnáu, PDI y PAS, empreses y instituciones).

La sede electrónica de la Universidá d'Uviéu da accesu a un completu catálogu de consultes, servicios y trámites a los que se puede llegar pela web. La Universidá d'Uviéu garantiza la integridá, veracidá y actualización de la información y los servicios qu'ufierta dende esta sede. El funcionamientu d'esti portal de servicios electrónicos regúlase polo que prescribe'l Reglamentu sobre accesu a los servicios electrónicos na Universidá d'Uviéu.

La carta de servicios electrónicos ye bien amplia y ta dirixida a tolos usuarios, dende l'adquisición de nuevos exemplares bibliográficos, l'alta nun cursu nel campus virtual, la tramitación de la tarxeta universitaria, matrícula, ufiertes d'empléu pa estudiantes, beques o cursos, ente otros munchos servicios.

Enllaces

• Sede electrónica