El Portal de Tresparencia de la Universidá d'Uviéu pon a disposición de la comunidá universitaria y del conxuntu de la ciudadanía información relevante y d'interés xeneral sobre la so organización y funcionamientu como serviciu públicu d'educación superior y investigación científica y técnica, garantizando'l cumplimientu de les obligaciones de publicidá activa previstes llegalmente.

Pela so parte, la Llei de Tresparencia, Bon Gobiernu y Grupos d'Interés del Gobiernu d'Asturies recueye que la Universidá d'Uviéu tendrá d'aplicar les obligaciones de trasparencia establecíes, según el restu de disposiciones que-y sían d'aplicación.

Asina, la Universidá d'Uviéu cunta cola so propia normativa, constituyida pol Reglamentu de Tresparencia, Accesu a la Información Pública y Bon Gobiernu, aprobáu por Acuerdu de 20 d'avientu de 2018 del Conseyu de Gobiernu de la Universidá d'Uviéu, nel cual se prevé la constitución d'una Comisión de Tresparencia y Bon Gobiernu.

La información del Portal de Tresparencia va ser publicada y actualizada regularmente, permitiendo un accesu rápidu, cenciellu y comprensible, al traviés de cinco grandes apartaos: institucional, organizativu, xurídicu, económicu y académicu.