El programa universitariu pa mayores abre un espaciu d'alcuentru y participación, empobináu a un sector de la población con inquietú por ampliar los sos conocimientos y que superó los 50 años.

La Universidá d'Uviéu desarrolló un programa de formación que se concreta nuna ufierta específica con conteníos d'interés pa esti sector de la sociedá. El programa tien una duración de cinco años académicos y consta d'una parte obligatoria, formada por asignatures comunes pa tol alumnáu, una parte optativa col formatu de talleres y qu'atiende a intereses más concretos de cada matriculáu, y una ufierta de llibre elección nel marcu de l'actividá cultural desenvuelta pola Universidá. PUMUO tien sedes n'Uviéu, Xixón, Avilés, Mieres y L.luarca.

Les materies docentes del programa agrúpense al rodiu de cuatro bloques temáticos: Humanidaes; Ciencies Xurídico-Sociales, Ciencies de la Salú y de la Vida y Ciencia y Tecnoloxía.

Oxetivos del programa:

• Apurrir una formación universitaria de calter xeneral
• Afalar el gustu pol conocimientu y la cultura
• Algamar capacidaes y mañes que den una meyor adaptación a los cambios de la sociedá actual
• Favorecer el asociacionismu y espertar actitúes solidaries.
• Apurrir recursos que dexen ameyorar la calidá de vida.
• Formar pal ociu activo y recreativo.

Cursu 2022-2023

Enllaces rellacionaos

• Páxina web del Programa Universitariu pa Mayores de la Universidá d’Uviéu
• Solicitú de Cita Previa Serviciu d’Estensión Universitaria

Documentos relacionados

• Instrucción de la Vicerrectora d’Estensión Universitaria y Proyección Cultural, de fecha 7 d’abril de 2022, pola que s’establecen criterios relativos a la ufierta formativa del programa universitariu pa mayores (PUMUO)
• Resolución de 13 de xunetu de 2022 del Rector de la Universidá d’Uviéu, pola que s’establez la normativa reguladora del Programa pa Mayores (PUMUO) nel cursu 2022-2023