La ufierta formativa n'idiomes de la Universidá d'Uviéu dispón de programes d'aprendizaxe de llingües en tándem, cursos intensivos y específicos pa la comunidá universitaria y pruebes oficiales d'idiomes abiertes a tola sociedá.

El personal docente ya investigador y el personal d'alministración y servicios de la Universidá d'Uviéu dispón de cursos específicos de formación llingüística pa ampliar y meyorar el so conocimientu d'un idioma. Nel casu del profesoráu, ufiértense cursos de capacitación llingüística destinaos a acreditar el so dominiu del inglés pa impartir docencia en graos billingües.

La Casa de les Llingües ufierta tamién cursos específicos pa organismos oficiales, empreses o instituciones culturales, y collabora con talleres d'idiomes nel programa para mayores (PUMUO), amás de la ufierta de cursos intensivos de branu pa la comunidá universitaria en xeneral y programes específicos d'aprendizaxe de llingües en tándem, n'inglés, francés, italianu y alemán.

Una de los apuestes de los últimos años foi reforzar la collaboración con instituciones estranxeres pa convertinos en centru esaminador oficial de distintos idiomes: d'alemán del Goethe Institut, en distintes modalidaes; inglés IELTS, col British Council y l'Universidá de Cambridge; francés DELF y DALF, xestionaos pola Alianza Francesa; y diplomes PLIDA d'italianu, xestionaos pola Sociedá Dante Alighieri.