La Biblioteca de la Universidá d'Uviéu (BUO) ye la unidá responsable del afayu, caltenimientu y validación de los datos de producción científica (artículos, llibros, tesis doctorales) y caltién el repositoriu institucional de la Universidá d'Uviéu.
Agrupa la Biblioteca Central y 14 biblioteques que tán repartíes pelos distintos campus de la universidá, con una colección de más de 850.000 llibros, 14.000 títulos de revistes científiques y dellos miles d'exemplares d'otros documentos, como microfilmes, vídeos, partitures, mapes...
La biblioteca encárgase de facilitar l'accesu a la información necesaria pal desarrollu de la investigación, amás de contribuyir a la realización de l'actividá docente y favorecer la práctica del estudiu na comunidá universitaria.
La colección dixital de la biblioteca tien más de 60.000 recursos electrónicos ente llibros, revistes, bases de datos, plataformes electróniques y portales bibliotecarios. El catálogu que recueye toes estes publicaciones puede consultase dende cualquier ordenador conectáu a la rede de la Universidá d'Uviéu o a Internet.
Enllaces
