Qué ye

• Trátase d’un xustificante de la entrega de bienes o la prestación de servicios espidíos y recibíos en formatu electrónicu, col mesmu valor llegal qu’una factura en papel. La so regulación básica recuéyese na Ley 25/2013, de 27 d’avientu, d’impulsu de la factura electrónica y creación del rexistru contable de factures nel Sector Públicu.
• Tán obligaos a usar la factura electrónica y presentala al traviés del puntu xeneral d’entrada, los proveedores de bienes y servicios de la Universidá d’Uviéu que revisten la forma de sociedaes anónimes, sociedaes de responsabilidá limitada, xuniones temporales d’empreses y demás persones xurídiques y entidaes ensin personalidá xurídica qu’enuncia l’artículu 4 de la Llei 25/2013.
• • Dende’l 15 de xineru de 2015, entidaes públiques como la Universidá d’Uviéu tán obligaes al usu de la factura electrónica. Acoyéndose a la previsión llegal (art.4, Ley 25/2013), la Universidá d’Uviéu exceptuó de la obligación de facturación electrónica a les factures con importe de hasta 5.000 euros (art.4, Acuerdo 28 de payares de 2014).

Cómo xenerar una factura electrónica

• Los obligaos a la emisión de factura electrónica tienen la posibilidá d’emitila dende’l so propiu software de facturación. Nesi casu tendrán de consultar el procedimientu col so distribuidor informáticu.
• El Ministeriu d’Industria, Enerxía y Turismu desarrolló l'aplicación Xestión de Facturación Electrónica que permite la xeneración de factures electróniques con formatu Facturae.
• Amás de los requisitos habituales, les factures electróniques tendrán d’incluyir la identificación del órganu xestor, unidá tramitadora y de la oficina contable, con indicación de los correspondientes códigos, d’acuerdu col "Directoriu Común d’Unidaes y Oficines DIR3" xestionáu pola Secretaría d’Estáu d’Alministraciones Públiques.

Cómo unviar la factura electrónica a la Universidá d’Uviéu

• La universidá creó un rexistru contable de factures y xuntóse a la plataforma electrónica "FACe-Puntu Xeneral d'Entrada de Factures electróniques" del Ministeriu de Facienda y Alministraciones Públiques. La función del Rexistru Contable ye la de facilitar el siguimientu a los provisores de la tramitación de les factures espidíes.

Les empreses que tengan que presentar les sos factures a la Universidá d’Uviéu (importe superior a 5.000 euros, IVA incluyíu o cualesquier otru importe, si asina lo deseen) pueden, por tanto, facelo al traviés de FACe.

Documentos relacionaos

• Llei 25/2013, de 27 d’avientu,, d’impulsu de la factura electrónica y creación del rexistru contable de factures nel Sector Públicu.
• Acuerdu de 28 de payares de 2014, del Conseyu de Gobiernu de la Universidá d’Uviéu,, pol que se regula l’usu de la factura electrónica y créase’l rexistru contable de la Universidá d’Uviéu.
• Códigos de la Universidá d’Uviéu nel Directoriu Común d’Unidaes y Oficines DIR3
• FACe: manual d'usu del portal de proveedores

Enllaces d’interés

• Introducción a la factura electrónica
• Facturación electrónica a las administraciones públiques (FAQ)
• Utilidaes online de facturación electrónica (validación de factures electróniques, visualización de factures electróniques)
• Accesu a FACe pa proveedores