El Coru Universitariu d'Uviéu atesora casi un sieglu d'historia. Ye una de les poques formaciones corales qu'interpreta la polifonía de la Edá d'Oru español. La mayor parte de los sos integrantes son alumnos y los sos estudiantes pueden solicitar ayudes específiques pa la matrícula convocaes pola Universidá d'Uviéu.
Tolos actos académicos solemnes de la institución académica cunten cola actuación del Coru Universitariu, qu'amás ufierta recitales esternos. Na so llarga andadura, el Coru de la Universidá d'Uviéu pisó escenarios emblemáticos como'l del Lincoln Center de Nueva York y actuó, ente otros países, en Francia, Italia, Alemaña, Estaos Xuníos y México. La formación coral ta dirixida na actualidá pol músicu Joaquín Valdeón.
El Coru Universitariu d'Uviéu atesora casi un sieglu d'hestoria y actuó n'escenarios tan emblemáticos como'l Lincoln Center de Nueva York.
Réxime internu
Los ensayos del coru son nel Coru del Paraninfu, nel Edificiu Históricu (c/ San Francisco, 1 – Uviéu). Los horarios van determinase al comienzu de cada cursu.
Obligaciones de los componentes
Los componentes del coru tán obligaos a asistir a los ensayos ordinarios, ensayos xenerales y conciertos programaos. Admítese un máximu de seis faltes ensin xustificar y seis faltes xustificaes. Dos faltes d'asistencia a ensayos xenerales o conciertos consideraránse faltes graves y van suponer, si'l director valora oportuno, la baxa del coru.
Ayudes a los componentes del Coru
La institución académica convoca añalmente ayudes específiques a la matrícula pa los componentes del coru. (Los alumnos interesaos en consultar más información pueden alcontrar la última convocatoria na Intranet).
Vestuariu
El códigu de vestimienta recueye que les muyeres van vistir de negru y los homes de traxe escuru y corbata escura. A los homes que nun dispongan de traxe va dáse-yos ún en préstamu. El coru va facilitar tamién, en réxime de préstamu, una beca verde pa les actuaciones que lo requieran.
El material en préstamu dao a los miembros del coru –carpetes y partitures, traxes, beca pa les actuaciones– tendrá de devolvese al finalizar el cursu académicu en perfectes condiciones.
Directores
- Joaquín Valdeón (Director actual)
- Luis Gutiérrez Arias
- Miguel Ángel Campos Galán
- Natalia Ruisánchez
- María Encina Cortizo
Enllaces relacionaos:
