La Universidá d'Uviéu desenvuelve la so actividá docente y investigadora en tres ciudaes de la exa central d'Asturies: Uviéu, Xixón y Mieres, anque dispón d'una amplia y variada ufierta d'iniciatives culturales que s'estiende per tola comunidá autónoma. Los campus disponen de servicios complementarios pa facilitar la convivencia y el desarrollu de la vida universitaria, tanto pal estudiantáu, el profesoráu, los investigadores y el personal d'alministración y servicios.

La Universidá d'Uviéu ufierta una formación integral repleta d'esperiencies y posibilidaes. La institución académica asturiana cuida especialmente los aspectos complementarios a la docencia y investigación, con especial atención a los valores solidarios, la igualdá, sostenibilidá y l'acción social, con una estimulante ufierta cultural y deportiva.

L'oxetivu ye convertir los nuestros campus n'espacios de convivencia y socialización, que trespasen la idea de sitios de pasu. A los servicios habituales de les facultaes y escueles, súmense tamién les instalaciones dedicaes a la investigación, biblioteques, cafeteríes, comedores, espacios comunes, sales d'informática y biblioteques.

L'agospiu en colexos mayores y residencies convida a los estudiantes a vivir una esperiencia universitaria dafechu, y la ufierta de renovaes instalaciones deportives facilita'l desarrollu d'una vida saludable.

Too ello complétase con un ampliu programa d'actividaes culturales al alcance de tola comunidá y una axenda d'eventos abiertos a tola sociedá y gratuitos. Cola idea d'averar la cultura y la ciencia a la sociedá, la Universidá d'Uviéu intensificó la colaboración con delles de les instituciones públiques y privaes más prestixoses de la rexón.

L'atención profesional que da la Oficina d'Atención a Persones con Necesidaes Específiques (ONEO) a cada estudiante ye personalizada y confidencial y axústase a les necesidaes de cada casu.

La normalización de los estudiantes con cualquier tipu de discapacidá dientro de la vida universitaria tamién inclúi la organización de distintos programes de sensibilización y información dientro de la Universidá. El programa de beques d'acompañamientu a estudiantes con discapacidá supón un exemplu claru de cooperación.

El llabor d'asesoramientu y ayuda de la Oficina d'Atención a Persones con Necesidaes Específiques (ONEO) nun solo tien como destinatarios a los estudiantes, sinón tamién al profesoráu. Los técnicos de la ONEO cunten con información y recursos específicos que pueden ayudar a los docentes a poner una mayor y meyor atención a los sos alumnos con necesidaes específiques.

Contactu

Señes: C/ González Besada 13, 1ª planta, 33007- Uviéu

Corréu electrónicu: oneo@uniovi.es

Teléfonu: 985 10 29 22

Horariu d’atención al públicu: De llunes a vienres, de 9 a 15 hores.

Documentos relacionaos

• Cuestionariu d’evaluación de necesidaes educatives específiques.