La Biblioteca de la Universidá d'Uviéu (BUO) ye la unidá responsable de localización, mantenimientu y validación de los datos de producción científica (artículos, llibros, tesis doctorales) y mantién el Repositoriu Institucional de la Universidá d'Uviéu.
La BUO agrupa la Biblioteca Central y 14 biblioteques, que tán repartíes polos distintos campus de la Universidá, con una colección de más de 850.000 llibros, 14.000 títulos de revistes científiques y dellos miles d'exemplares d'otros documentos, como microfilmes, vídeos, partitures, mapes, CD-ROMs, etc.
La Biblioteca de la Universidá d'Uviéu (BUO) encárgase de facilitar l'accesu a la información necesaria pal desarrollu de la investigación, amás de contribuyir a la realización de l'actividá docente y favorecer la práctica del estudiu na comunidá universitaria.
La colección dixital de la biblioteca compriende más de 60.000 recursos electrónicos ente llibros, revistes, bases de datos, plataformes electróniques y portales bibliotecarios. El catálogu que recueye toes estes publicaciones puede consultase dende cualesquier ordenador conectáu a la rede de la Universidá d'Uviéu o a internet.
Enllaces
