La Universidá d'Uviéu recibe cada añu a más d'un millar d'estudiantes estranxeros. Ye un destín buscáu y pervaloráu polos alumnos internacionales gracies al prestixu académicu del que gocia la institución académica y a la so ubicación privilexada nun marcu como'l del Principáu d'Asturies.
Coles mires de facilitar al máximu los trámites llegales y académicos y d'ayudar a los alumnos estranxeros nel so procesu d'adaptación, la Universidá d'Uviéu pon a la so disposición una rede de servicios y asesoramientu pa resolver de manera áxil les sos duldes.
La Oficina d'Atención Internacional ufierta la información y sofitu necesarios pa facer tolos trámites académicos y xestiones que faciliten l'adaptación del universitariu.
Al traviés de la Oficina d'Atención Internacional van consiguir tola información y sofitu necesarios pa completar los trámites llegales y académicos y pa llevar a cabu xestiones imprescindibles, como abrir una cuenta bancaria o estudiar les distintes opciones d’agospiu. Los futuros alumnos de la Universidá d'Uviéu van poder planiar el so viaxe con antelación y disponer de tola información que precisen enantes de llegar a Asturies.
L'ayuda nes primeres selmanes de la estancia tamién va llegar al traviés de los mesmos compañeros. El programa a-dUO pon en contactu al nuevu alumnu con un estudiante español del so mesmu campus, que va orientalu y guialu nes sos primeres selmanes n'Asturies.
Los estudiantes estranxeros van tener amás al so alcance una amplia ufierta d'actividaes culturales, deportives y d'ociu promovíes pola Universidá o poles asociaciones estudiantiles.
Información pa los estudiantes internacionales cursu 2023-2024:
- Información Bienvenida a estudiantes entrantes, curso 2023/2024
- Información a estudiantes entrantes curso académico 2023/2024
- Información Cursos d’Español estudiantes entrantes (curso 2022-2023)
Guíes informatives:
- Alojamiento
- Másteres Erasmus Mundus
- Ufierta formativa - Universidá d’Uviéu
- Ufierta académica - Idiomas
- Ufierta académica - Itinerarios billingües
- Ufierta académica: asignatures impartíes n’inglés
Enllaces rellacionaos
