Asturies ye una comunidá autónoma con daqué menos d'un millón d'habitantes asitiada nel noroeste de la Península Ibérica. L'accesu más utilizáu polos estudiantes que vienen d’otros países ye l'avión.
Per avión
L'Aeropuertu d'Asturies atópase en Santiago del Monte (Castrillón), a 45 kilómetros d'Uviéu y a 40 kilómetros de Xixón. El trayectu ente ambes ciudaes y l'aeropuertu, cubiertu per autobús, dura ente 30 y 45 minutos en función del tráficu. Esisten vuelos regulares a delles capitales españoles, incluíes Madrid y Barcelona, y conexones internacionales directes con compañíes lowcost hacia Londres, París, Düsseldorf, Bruxeles, Roma, Ámsterdam y que van estendese más p’alantre hacia Lisboa y Milán.
L'aeropuertu cuenta con una llínia d'autobús que conecta con Uviéu y Xixón y con parada permanente de taxi. El teléfonu d'información de la terminal asturiana ye'l 985 12 75 00.
Por tren
Hai estaciones de ferrocarril n'Uviéu, Xixón, Avilés y otros llugares asturianos. Pa llograr información sobre percorríos, servicios, precios, etc., puede consultase la web de la compañía ferroviaria Renfe o llamar al so teléfonu d'información xeneral 902320320. Les estaciones ferroviaries tán convenientemente conectaes con servicios d'autobuses y taxi.
Autobús
Hai delles compañíes d'autobuses que comuniquen Asturies con ciudaes españoles, estranxeres o con otros llugares del Principáu. Casi toles localidaes asturianes de cierta relevancia cuenten con una estación d'autobuses. La empresa ALSA ye la encargada d'emprestar el serviciu de comunicación d'Asturies cola meseta.
Enllaces:
