Por aciu de les práctiques esternes, los estudiantes van entamar nel exerciciu de les actividaes profesionales rellacionaes cola so formación, preparándose asina pa la so incorporación al mercáu de trabayu.
La Universidá d'Uviéu apuesta pola adquisición d'esperiencia profesional de los sos estudiantes al traviés de la realización de práctiques esternes, que son xestionaes polos centros docentes. Los procesos de comunicación y selección fáense pentemediesde l'aplicación informática del Vicerrectoráu d'Estudiantes.
Los estudiantes tamién pueden participar n'actividaes de sofitu a los servicios universitarios con beques de collaboración. Coles mesmes, la universidá, al traviés del Vicerrectorado de Internacionalización, xestiona les beques Erasmus práctiques.
Van poder optar a estes práctiques los estudiantes matriculaos en cualesquier titulación oficial impartida na Universidá d'Uviéu o nos centros adscritos, asina como estudiantes d'otres universidaes españoles o internacionales por cuenta de programes o convenios de collaboración. Nun van poder participar los titulaos nin quien supere la carga lectiva global del plan d'estudios que-yos da derechu a la titulación.
Cuando una entidá o institución solicite un estudiante concretu tendrá de cuntar col informe previu del centru, departamentu o institutu nel que l'alumnu cursa los sos estudios. El Vicerrectoráu d'Estudiantes va resolver l'autorización del desarollu de les práctiques.
Escepcionalmente, los estudiantes van poder solicitar la realización de les práctiques esternes n'una determinada empresa, entidá o institución cola aprobación d'esta y un informe previu del centru, departamentu o institutu correspondiente.
Amás, esiste un programa de beques remuneraes de formación práctica n'empreses dirixíu a titulaos de la Universidá d'Uviéu nos cuatro años postretos. El programa, xestionáu pola Fundación Universidá d'Uviéu, llévase a cabu por mor de convenios de collaboración con empreses tantu nacionales como internacionales y apurre al alumnáu beneficiario la oportunidá d'establecer contactu col ámbitu llaboral y promocionase profesionalmente.
Sección de Beques y Convenios
Consultes sobre Práctiques y Convenios de práctiques
Corréu electrónicupracticasexternas@uniovi.es
Pa una atención más personalizada: incluir númberu de teléfonu nel correu electrónicu.
- Si ye estudiante y solicita práctiques debe acceder al traviés de la intranet de la Universidá d’Uviéu (Servicios Académicos SIES) coles sos claves corporatives (uoxxxx, onde xxxx ye un nº).
- Accesu pa empreses
Documentos
Seguro de práctiques en territoriu español pa estudiantes de Grau
Qué facer en casu de siniestro en Práctiques
Menores de 28 años
- Práctiques curriculares - Enlace a la páxina del INSS – seguru escolar
- Práctiques extracurriculares - seguru d’accidente
Mayores de 28 años
- Práctiques curriculares o extracurriculares seguru d’accidente
