El Centru d'Información de Vivienda al Estudiante (CIVE) ufierta ayuda a los alumnos de la Universidá d'Uviéu que busquen pisu n’arriendu. El CIVE, dependiente del Vicerrectoráu d'Estudiantes, ye un serviciu totalmente gratuitu que cunta con una variada bolsa de pisos.
Igualmente, ensin costu dalgunu, esti centru pon a disposición de los propietarios de viviendes que deseen arrendar una cartera na que se centralicen más de 1.100 consultes añales.
El CIVE aconseya a los estudiantes qu’antes de realizar dalgún pagu o firmar cualesquier documentu, comprueben personalmente l'estáu de la vivienda y verifiquen que dispón de tolo necesario pa cubrir les sos necesidaes.
El centru recuerda tamién a los alumnos que ye importante que formalicen un contratu d'alquiler. A lo último, convién nun precipitase y estudiar delles ufiertes antes de decidise por una, inclusive optar por un agospiu provisional, hasta qu'atopen el pisu que meyor s'adapte a les sos necesidaes.
Datos de contactu
- Colegio Mayor San Gregorio
- Teléfonu: 985109512 / 985109565
- Señes: c/ Valdés Salas, s/n 33007 - Oviedo
- Corréu lletrónicu: cive@uniovi.es
CIVE dispón d’una plataforma de xestión on line d’aloxamientos, tanto pa demandantes de vivienda como pa persones qu’ufierten pisos n’arriendu.
Enllaces relacionaos:
