La producción científica de la Universidá d'Uviéu acredita la escelencia y la calidá reconocida internacionalmente. La institución académica trabaya por da-y espardimientu y facer accesible a la sociedá'l so trabayu d'investigación, y tamién pa otorgar a los resultaos llograos la debida protección llegal.

El volume de producción científica de la Universidá espoxigó añu tres añu. El Portal de Producción Científica axunta en tiempu real l'actividá investigadora del añu en cursu, dende l'entamu del mesmu hasta la fecha de consulta. Por aciu d’esta aplicación la tradicional memoria d'investigación conviértese nuna aplicación web, accesible en tou momentu pa la so consulta y continua actualización.

La institución académica trabaya por da-y espardimientu a la so producción científica y pa otorga-y a los resultaos llograos la debida protección llegal

L'espardimientu y la visibilidá de l'actividá investigadora garantízase al traviés del Repositoriu dixital xestionáu pola Biblioteca de la Universidá d'Uviéu, les acciones desenvueltes dende la Oficina de Comunicación y tamién la divulgación llevada a cabu pola Unidá de Cultura Científica.

La conveniente protección llegal de los resultaos d'investigación ye otra de les prioridaes de la Universidá. La universidá empresta un asesoramientu integral al personal investigador pa garantizar que los sos afayos cuenten con una protección industrial afayadiza.