La Universidá d'Uviéu ye'l principal motor de la investigación n'Asturies. Desarrolla'l 80% de la I+D+i d'Asturies y dispón de servicios y equipamientos últimos pa facilitar la tresferencia de conocimientu hacia'l texíu productivu. Los ingresos directos ya indirectos derivaos de la producción científica estímense en cerca de 40 millones d'euros añales y cuenta con más de 500 contratos y/o alcuerdos con empreses pa desarrollar proyectos d'investigación y tresferencia del conocimientu.
La institución universitaria asturiana lidera, amás, dos clústeres especializaos n'Enerxía, Medioambiente y Cambiu Climáticu, y en Biomedicina y Salú, que tán íntimamente conectaos colos parques tecnolóxicos rexonales y la rede sanitaria pública asturiana. Un tercer clúster, empuestu a les Ciencies Sociales y Humanidaes, tien l’envís de dinamizar la importante investigación que se lleva a cabu nestes árees tradicionalmente con menos visibilidá pública y dexa asina superar el conceutu d'investigación de bata blanca.
Cerca de 2.000 persones dedíquense a la investigación na Universidá d'Uviéu y trabayen en 173 grupos acreditaos, cada vez con más presencia femenina nes sos direcciones
Cerca de 2.000 persones dedíquense a la investigación na Universidá d'Uviéu y trabayen en 173 grupos acreditaos, cada vez con más presencia femenina nes sos direcciones. Los grupos d'investigación reconocíos tán en constante crecimientu y pasaron de los 21 de 2010 a los 173 del añu actual. Les árees del conocimientu con mayor númberu de grupos son Química, Física y Analítica (11), Inxeniería Eléctrica, Electrónica, de Computadores y Sistemes (10), Informática (9) y Psicoloxía (9).
La Universidá d'Uviéu cuenta amás con estructures específiques de sofitu a la investigación. Son institutos y centros de temática bien variada que van dende les tecnoloxíes espaciales hasta les neurociencies pasando pola biotecnoloxía o la oncoloxía. Estos institutos dexen compartir recursos y equipamientos per parte del personal investigador.
Institutos d’investigación
- Institutu de Ciencies y Tecnoloxíes Espaciales d’Asturies (ICTEA)
- Institutu de Neurociencies del Principáu d’Asturies (INEUROPA)
- Institutu Feijoo d’Estudios del Sieglu XVIII
- Institutu Universitariu de Biotecnoloxía d’Asturies (IUBA)
- Institutu Universitariu de la Empresa (IUDE)
- Institutu Universitariu de Oncoloxía (IUOPA)
- Institutu Universitariu de Química Organometálica Enrique Moles (IUQOEM)
- Institutu Universitariu de Tecnoloxía Industrial d’Asturies (IUTA)
Otros centros
- Centru de Cooperación y Desarrollu Territorial (CeCodet)
- Centru d’Intelixencia Artificial
- Institutu de Recursos Naturales y Ordenación del Territoriu (INDUROT)
- Seminariu de Historia Constitucional Martínez Marina
Centros y Institutos adscritos y en collaboración con otros organismos
- Centru Mistu d’Investigación en Nanomateriales y Nanotecnoloxía (CINN)
- Institutu Mistu d’Investigación en Biodiversidá
- Institutu Universitariu Fernández Vega (IUFV)
La institución académica, consciente de qu'una de les sos meyores tarxetes de presentación son los sos investigadores, cuenta con un plan propiu d'ayudes qu'abre'l camín a los investigadores mozos y respuende poles iniciatives emerxentes de mayor talentu. Amás, el programa impulsa la internacionalización de la investigación fecha n'Asturies y fai por captar a los científicos con mayor talentu fora de les nueses fronteres. La calidá de la investigación fecha na universidá recibió los avales de les alministraciones autonómica, estatal y europea.
