template-browser-not-supported

Misión y objetivos

Misión y objetivos

La Universidá d'Uviéu ye una institución con una centenaria trayectoria de docencia, investigación y compromisu cola sociedá. Ye una universidá implicada nel so territoriu, que trabaya pola meyora de la calidá docente, la escelencia na investigación y el progresu económicu y social.

Distinguida pol Ministeriu d'Educación como Campus d'Escelencia Internacional en 2009, los indicadores en docencia, investigación y internacionalización de la Universidá d'Uviéu respuenden pola so posición dientro del sistema español y européu. Nos últimos años, la institución académica asturiana aumentó la so proyección internacional y tamién la so presencia na sociedá asturiana, como motor non solo de la investigación, sinón tamién de l'actividá cultural na rexón.

La institución académica asturiana destaca tamién pol so compromisu cola tresformación del texíu productivu rexonal, al traviés del desenvolvimientu d'una I+D+i puntera y la tresferencia de conocimientu dirixíu a la empresa.

Dientro de la so implicación col entornu territorial, la Universidá d'Uviéu promueve distintes iniciatives d’apoyu a les persones con necesidaes específiques, acciones de voluntariáu, cooperación al desarrollu, polítiques d'igualdá de xéneru y conciliación familiar. Cada añu faise una memoria de Responsabilidá Social Universitaria onde se recueyen toles iniciatives.

Ente los fines de la Universidá d'Uviéu atópense:

  • La creación, desarrollu, tresmisión y crítica de la ciencia, la técnica y la cultura.
  • La preparación pal exerciciu d'actividaes profesionales qu'exixan l'aplicación de conocencimientos y métodos científicos y técnicos, amás de pa la creación artística.
  • La especialización científica, profesional y artística de doctoráu y posgráu.
  • L'espardimientu social de la ciencia, la técnica y la cultura al traviés de les actividaes d'estensión universitaria y de la formación de les persones a lo llargo de tola vida.
  • L’apoyu científicu y técnicu al desarrollu cultural, social y económicu, con atención a la preservación, mantenimientu y meyora del mediu ambiente.
  • El fomentu de les actividaes culturales, deportives y sociales de la comunidá universitaria.
  • La contribución a la formación de ciudadanos llibres, promoviendo una actitú crítica y participativa na Universidá y na sociedá.
  • La defensa y potenciación del diálogu pacíficu y del respetu mutuu como formes de relación ente los pueblos.