La Facultá Padre Ossó naz en 1965 como Escuela de Maxisteriu de la Ilesia “Padre Enrique de Ossó” y empieza esi añu a impartir los estudios oficiales de Maxisteriu. Depués, amplia y diversifica la so ufierta educativa pa responder con calidá a otres necesidaes formatives de la realidá asturiana. Actualmente, la Facultá Padre Ossó ye un centru universitariu adscritu a la Universidá d'Uviéu nel que se pueden cursar cuatro graos oficiales: Maestru d'Educación Infantil, Maestru d'Educación Primaria, Educación Social y Terapia Ocupacional.

Coles mesmes, el so Departamentu de Formación Permanente ufierta cursos y posgraos enfocaos a estudiantes, titulaos universitarios, profesionales n'exerciciu y, polo xeneral, a persones que pretenden ampliar la so formación.