La Universidá d'Uviéu lidera l'Alianza Europea d'Universidaes INGENIUM, un supercampus universitariu desplegáu por diez países con idiomes distintos, que tien l’envís de facilitar la cooperación interuniversitaria.
INGENIUM naz de l'ambición compartida ente los sos diez socios por meyorar la cooperación interuniversitaria esistente ente les instituciones académiques asociaes y avanzar asina nos desafíos qu'encaren les universidaes europees. INGENIUM surde como una “pequeña Unión Europea d'universidaes” coles mires de crear programes formativos d'educación superior integraos y reconocíos, con collaboraciones educatives ya investigadores en distintes árees d'especialización, aprovechando les fortaleces de los sos socios.
INGENIUM surdió en 2020 a partir de la Iniciativa "Universidaes Europees" de la Comisión Europea y cuenta col sofitu d'organizaciones asociaes, dende gobiernos rexonales y locales hasta grupos de la sociedá civil. L'alianza INGENIUM ta formada poles siguiente universidaes:
- Alemaña – Universidá de Ciencies Aplicaes de Karlsruhe
- Bulgaria – Universidá de Medicina de Sofía
- España – Universidá d' Uviéu
- Finlandia – Universidá de Ciencies Aplicaes del Sudeste de Finlandia
- Francia – Universidá de Rouen-Normandie
- Grecia – Universidá de Creta
- Irlanda – Universidá Tecnolóxica de Munster
- Italia – Universidá "Gabriele d'Annunzio" de Chieti-Pescara
- Rumanía – Universidá Técnica "Gheorghe Asachi" de Ia?i
- Suecia – Universidá de Skövde
Los oxetivos más concretos d'este supercampus européu universitariu son ellaborar programes de grau, máster y doctoráu conxuntos dientro de los marcos normativos nacionales y europeos, sofitar la collaboración de los grupos d'investigación de les universidaes de l'alianza, la promoción de la innovación docente y l'educación permanente y la creación d'una plataforma dixital de comunicación, xestión y docencia online que valga de soporte tecnolóxicu a INGENIUM.
La Universidá d'Uviéu fíxose col lideralgu de INGENIUM en presentando una propuesta a la convocatoria de 2022 de la iniciativa Universidaes Europees de la Comisión Europea, que ye parte de l'acción d'Asociaciones d'Escelencia del programa Erasmus+. La universidá asturiana, como coordinadora de la propuesta, va encargase de liderar la xestión de l'alianza INGENIUM.
La Universidá d'Uviéu fíxose col lideralgu de INGENIUM en presentando una propuesta a la convocatoria de 2022 de la iniciativa Universidaes Europees de la Comisión Europea, que ye parte de l'acción d'Asociaciones d'Escelencia del programa Erasmus+. La universidá asturiana, como coordinadora de la propuesta, va encargase de liderar la xestión de l'alianza INGENIUM.
El presupuestu total de INGENIUM ye de daqué más de 14 millones d'euros, de los que la Universidá d'Uviéu va xestionar casi 1,6 millones nun marcu temporal de cuatro años. Van collaborar cola universidá asturiana na consecución de los oxetivos de INGENIUM la Conseyería de Ciencia, Innovación y Universidá del Gobiernu d'Asturies, la Federación Asturiana d'Empresarios (FADE), la compañía COGERSA y el Centru Européu d'Empreses ya Innovación del Principáu d'Asturies (CEEI Asturies).
Eventos INGENIUM
- "INGENIUM Senior Summer School on Health, Wellbeing and Technology" . Pescara, Universidad "Gabriele d'Annunzio" de Chieti-Pescara, 19-23 de junio de 2023.
- "INGENIUM Senior Summer School on Language, Culture and Diversity". Karslruhe, Universidad de Ciencias Aplicadas de Karlsruhe , 13-17 de junio de 2023
