En xunu de 2023, los socios alemanes ya italianos de l'Alianza INGENIUM acoyeron la primer edición de los 10 Days. Esta iniciativa aspira a axuntar, dos vegaes per añu, a estudiantes y profesores de les diez universidaes de l'Alianza para dos selmanes d'actividaes académiques y culturales qu'inclúin una Junior School, dirixida a estudiantes de grau, y una Senior School, para alumnos de máster y doctoráu. 

La primera Junior School foi una aventura inolvidable que llevó a 30 estudiantes de grau a la ciudá alemana de Karlsruhe, onde s'atopa la Universidá de Ciencies Aplicaes de Karlsruhe (HKA), una de les universidaes INGENIUM. Ellí, los participantes vivieron una selmana intensa y tuvieron la oportunidá d'aprender y aldericar sobro llingua, cultura y diversidá n'Europa. 

Los alumnos pudieron adquirir competencies básiques d'alemán, cavilgar sobro salú y bienestar nel campus, conocer la interculturalidad n'Europa con proyectos grupales y presentaciones, y dar a conocer les sos propies universidaes nel eventu Crossing Borders. Amás, crearon xuna rede de contactos internacionales, recibieron el sofitu de dellos mentores y esfrutaron de la ciudá de Karlsruhe con visites empuestes y actividaes culturales. 

La INGENIUM Junior School foi un ésitu tantu pa la entidá organizadora, la HKA, como pa los participantes, que valoraron bien positivamente la oportunidá de conectar, compartir y aprender con otros miembros de l'alianza. 

INGENIUM va siguir ufiertando actividaes innovadores nes próximes ediciones de los 10 Days. La siguiente ta prevista pa empiezos del 2024 na Universidá Tecnolóxica de Munster (Irlanda) y na Universidá de Creta (Grecia).