El Departamentu de Química Física y Analítica de la Universidá d'Uviéu ta encargáu d'impartir y coordinar les enseñances de les árees de conocimientu de Química Física y Química Analítica acordies cola programación docente de la Universidá d'Uviéu, lo mesmo que de sofitar y impulsar les actividaes y iniciatives docentes y investigadores de los sos integrantes. La sede del departamentu atópase nel Edificiu Departamental de la Facultá de Química. El departamentu tien seis llaboratorios docentes dotaos con equipamientu pa la realización de les práctiques de llaboratoriu de les dos rames de conocimientu. Los llaboratorios d'investigación disponen d'instrumentación analítica y químico-física de vanguardia nos que los doctorandos desarrollen les sos tesis doctorales.