La Facultá de Filosofía y Lletres ufierta les siguientes titulaciones de grau n'Estudios Clásicos y Románicos, Estudios Ingleses, Filosofía, Xeografía y Ordenación del Territoriu, Historia, Historia del Arte, Historia y Ciencies de la Música, Llingua Española y les sos Lliteratures, Llingües Modernes y les sos Lliteratures. Y tamién imparte másteres Universitarios en Llingua Española y Llingüística, Español como Llingua Estranxera, Xéneru y Diversidá, Hestoria y Análisis Sociocultural, Cultura Científica y de la Innovación, Patrimoniu Musical, Recursos Territoriales y Estratexes d'Ordenación, Enseñanza Integrada de la Llingua Inglesa y Conteníos: Educación Infantil y Primaria, Erasmus Mundus n'Estudios de les Muyeres y de Xéneru.

Esta facultá surde de la fusión en 2010 de les facultaes de Filoloxía, Filosofía y Xeografía y Historia, contemplada nel procesu de reorganización de centros recoyíu nel proyectu de Campus d'Escelencia Ad Futurum de la Universidá d'Uviéu.

Ta nel Campus de Santuyano n'Uviéu y consta de los siguientes edificios: Edificiu Departamental, Edificiu d'Alministración, Aularios, La Casa de les Llingües, Biblioteca, Edificiu de Publicaciones y INIE.