Los Servicios Científico-Técnicos (SCTs) son un conxuntu d'unidaes que sofiten a investigadores, grupos o equipos de la universidá, asina como a otres entidaes públiques o privaes. Cuenta con 18 unidaes que s'encuadren en trés categoríes de serviciu:
Técniques d'análisis: resonancia magnética nuclear, microscopía electrónica, difracción de rayos X, midíes magnétiques, espectrometría de mases, ensayos térmicos y análisis elemental, fluorescencia de rayos X y microsonda electrónica; y espectrometria fotoelectrónica, UV-visible y IR.
Llaboratorios d'ensayos: ensayos biotecnolóxicos y biomédicos, muestréu oceanográficu, bioteriu y ensayos preclínicos, nanotecnoloxía (inclúi membranes nanoporoses), tecnoloxía alimentaria y ensayos medioambientales.
Sofitu tecnolóxicu: microscopía fotónica y procesu d'imáxenes, clúster de modelización científica, taller mecánicu y consultoría estadística.
Toes elles tán xestionaes por una unidá alministrativa. Les sos instalaciones asítienese les más nel Edificiu Severu Ochoa del Campus del Cristu, n'Uviéu. Nesi mesmu campus, allúgase La Unidá de Bioteriu y Ensayos Preclínicos que, poles sos característiques, cuenta con un edificiu propiu.
Esisten, amás, tres unidaes de los Servicios Científico-Técnicos nel Campus de Mieres y otra nel Campus de Xixón, nos que ta prevista, nun futuru, la llegada de nueves unidaes.
Enllaces
