La Guía d'Espertos y Espertes de la Universidá d'Uviéu ye una iniciativa dirixida a los medios de comunicación, que surde col propósitu d'ufiertar una ferramienta de trabayu eficaz y precisa pa los profesionales de la información, y tamién para la sociedá en xeneral.

Ente los sos principales oxetivos ta facilitar y fomentar el contactu fluyíu ente los periodistes y el personal investigador de la nuesa institución académica pa promover l'espardimientu social del conocimientu y de l'actividá científica ya investigadora que se xenera nel ámbitu de la Universidá d'Uviéu. La guía pretende tamién ser un preséu instrumentu al serviciu de la sociedá, de les instituciones y de les empreses que tean interesaes en contactar col ámbitu investigador de la institución académica.

Más de 400 investigadores de toles rames del conocimientu formen parte de la Guía d’Espertos de la Universidá d’Uviéu

Más de 400 profesionales de toles árees de conocimientu de la Universidá d'Uviéu incorporáronse a esta guía, qu'ufierta un buscador nel que puede alcontrase a cada especialista al traviés de distintos campos: nome, departamentu, área de conocimientu y pallabres clave (términos rellacionaos col ámbitu d'especialización del espertu).