Oficina d’atención a persones con necesidaes específiques (ONEU)

La ONEU ye un serviciu d’ayuda y sofitu al estudiante con necesidaes específiques pa facilita-y l’accesu, l’inxerimientu y la participación nos estremaos ámbitos académicos, culturales, deportivos y sociales de la vida universitaria.

La ONEO ye un serviciu d'ayuda y sofitu al estudiante con necesidaes específiques pa facilita-y l'accesu, l'inxerimientu y la participación nos estremaos ámbitos académicos, culturales, deportivos y sociales de la vida universitaria.

Esta oficina constitúi un serviciu de collaboración, sofitu y conseyu al profesoráu pa la prevención de dificultaes nel procesu d'enseñanza-deprendizax remanecíes de necesidaes específiques.

L'atención profesional que da la ONEO a cada estudiante ye personalizada y confidencial, axustándose a les necesidaes de cada casu. D'esti mou, el personal de la oficina recoyerá les demandes de los estudiantes y dará-yos conseyu psicolóxicu y pedagóxicu. Tamién pondrá al so algame tola información disponible sobro programes de beques y recursos específicos existentes na Universidá d'Uviéu.

L'atención profesional que da la ONEO a cada estudiante ye personalizada y confidencial, axustándose a les necesidaes de cada casu

La normalización de los estudiantes con cualesquier clas de discapacidá dientro de la vida universitaria tamién inclúi la organización d'estremaos programes de sensibilización ya información dientro de la Universidá. El programa de beques d'acompañamientu a estudiantes con discapacidá ye un exemplu claru de cooperación.

El llabor de conseyu y ayuda de la ONEO nun tien namái como destinatarios a los estudiantes, sinón tamién al profesoráu. Los téunicos de la ONEO cunten con información y recursos específicos que puen ayudar a los docentes a dar una mayor y meyor atención a los sos alumnos con necesidaes específiques.

Señes:
C/ González Besada 13, 1er planta, 33007-Uviéu
Corréu electrónicu:
oneo@uniovi.es
Tfnu.:
985 10 29 22
Horariu d'atención al públicu:
De llunes a vienres, de 9 a 15 hores