Planifica la to llegada

Llueu de ser almitíos en cualesquier de los programes d’estudios ya investigación de la Universidá d’Uviéu, los estudiantes estranxeros puen completar dellos trámites alministrativos que facilitarán la so llegada a España.

La Oficina d'Atención Internacional de la Universidá ye'l llugar de referencia pa que tolos alumnos estranxeros atopen la información que necesiten. El personal de la Oficina ayudará a los estudiantes a facer tolos trámites pa llegalizar la so residencia, atopar agospiamientu, acceder a l'asistencia sanitaria na so estancia n'España y tamién formalizar la so matrícula na Universidá d'Uviéu.

Pa poder ser atendíos de manera personaliza, a partir del 16 d'agostu de 2016, va activase'l serviciu de "Cita previa" onde van poder escoyer antes de la so llegada'l llugar, día y fecha pa evitar esperes innecesaries

La Oficina d'Atención Internacional ye'l llugar de referencia pa que los alumnos estranxeros algamen tola información sobro trámites llegales, opciones d'agospiamientu o l'accesu a l'asistencia médica

Arriendes d'ello, los estudiantes que lo quieran puen cuntar cola guía y el sofitu específicu d'un alumnu de la Universidá d'Uviéu que los acompañará y empobinará nes sos primeres selmanes n'Asturies. Pa cuntar con esta ayuda habrán inscribise enantes de viaxar nel programa a-dUU.

Aquellos estudiantes que tengan dalguna necesidá especial puen empobinase enantes de la so llegada a la Oficina d'Atención a les Persones con Necesidaes Específiques (ONEU), onde-yos apurrirrán tola información y conseyos necesarios.

Enllaces rellacionaos