Graos billingües

La Universidá d'Uviéu impulsó la incorporación de docencia n'inglés en distintos graos, qu'amplía non yá la capacitación llingüística de los nuesos titulaos sinón les sos posibilidaes d'aportar al mercáu llaboral, tantu nacional como internacional.

Imagen de un profesor en la pizarra Los itinerarios billingües ufierten a los universitarios la oportunidá d'estudiar n'inglés una parte importante de les asignatures de les sos titulaciones y/o facer una movilidá a una universidá estranxera au puean siguir el so deprendizax nesti idioma.

Diecisiete títulos de grau ufierten asignatures n'inglés impartíes por profesores acreitaos pa esta docencia. Los estudiantes cunten tamién de cursos de refuerzo pa facilitar el so inxerimientu nestos itinerarios billingües

P'acceder a los itinerarios n'inglés, los candidatos hubieron llograr como mínimu una nota de 7 (Notable) n'Inglés nes Pruebes d'Accesu a la Universidá (PAU) o acreitar un nivel B1 d'esti idioma. Los estudiantes de nuevu ingresu qu'escoyeren la docencia n'inglés tendrán la opción de camudar a los grupos con docencia n'español nos 15 primeros díes de cada semestre.

Carauterístiques de los itinerarios billingües

Hai dos modalidaes p'algamar el Certificáu d'Itinerariu Billingüe:

  1. Completar un mínimu de 120 creitos ECTS n'asignatures que s'impartirán n'inglés na Universidá d'Uviéu a lo llargo de los cuatro años de los sos estudios de Grau. Si se fai, amás, una estancia nuna universidá estranxera qu'imparta enseñanza n'inglés, y que roblare un pautu de collaboración cola Universidá d'Uviéu, amestaránse-y los creitos ECTS cursaos nella, magar qu'esta estancia nun sedrá imprescindible pal llogru del Certificáu d'Itinerariu Billingüe.
  2. Cursar asignatures que s'ufierten n'inglés na Universidá d'Uviéu (qu'incluyirán siempres la posibilidá de presentar y defender el Trabayu de Fin de Grau n'inglés) y completar hasta llograr los 120 creitos ECTS necesarios pente medies d'estancies del Programa Erasmus / Erasmus Práutiques n'universidaes o instituciones estranxeres que'impartan enseñanza n'inglés y que roblaren un pautu de collaboración cola Universidá d'Uviéu.

A los estudiantes que superen cualesquiera de les dos modalidaes, daráse-yos un Certificáu de que fixeren l'Itinerariu Billingüe nel Grau escoyíu y amestaráse al Suplementu Européu al Títulu.

En tou casu, aquellos estudiantes que cursen dalguna de les asignatures, pero nun completen l'Itinerariu Billingüe dafechu, verán reconocíos los creitos superaos, les práutiques feches nel estranxeru o les sos movilidaes académiques nel Suplementu Européu al Títulu.

Graos billingües

  • Modalidá 1: Cursáu dafechu na Universidá d'Uviéu
    • Grau n'Alministración y Direición d'Empreses (Facultá d'Economía y Empresa)
    • Grau n'Economía (Facultá d'Economía y Empresa)
    • Grau n'Inxeniería Mecánica (Escuela Politéunica d'Inxeniería de Xixón)
    • Grau n'Inxeniería Llétrica (Escuela Politéunica d'Inxeniería de Xixón)
    • Grau n'Inxeniería Electrónica Industrial y Automática (Escuela Politéunica d'Inxeniería de Xixón)
    • Grau n'Inxeniería Informática del Software (Escuela d'Inxeniería Informática d'Uviéu)
    • Grau en Maestru n'Educación Primaria (Facultá de Formación del Profesoráu y Educación)
    • Grau en Química (Facultá de Química)
  • Modalidá 2: Completáu por aciu una estancia Programa Erasmus / Erasmus Práctiques n'universidaes o instituciones estranxeres que roblaren un conveniu de movilidá cola Universidá d'Uviéu y na que se cursen asignatures n'inglés, o bien n'otra universidá española cursando igualmente asignatures n'inglés nel marcu del programa de movilidá SICUE.
    • Grau en Comerciu y Marketing (Facultá de Comerciu, Turismu y Ciencies Sociales "Xovellanos" de Xixón)
    • Grau en Cuntabilidá y Finances (Facultá d'Economía y Empresa)
    • Grau n'Inxeniería Civil (Escuela Politécnica de Mieres)
    • Grau n'Inxeniería de los Recursos Mineru y Enerxéticu (Escuela Politécnica de Mieres)
    • Grau n'Inxeniería Forestal y del Mediu Natural (Escuela Politécnica de Mieres)
    • Grau n'Inxeniería Geomática y Topográfica (Escuela Politécnica de Mieres) (n'estinción)
    • Grau n'Inxeniería Química Industrial (Escuela Politéunica d'Inxeniería de Xixón)
    • Grau n'Inxeniería en Tecnoloxíes Industriales (Escuela Politécnica d'Inxeniería de Xixón)
    • Grau en Turismu (Facultá de Comerciu, Turismu y Ciencies Sociales "Xovellanos" de Xixón)

*  Los alumnos matriculaos nel Doble Grau pueden realizar l'itinerariu billingüe pa unu de los dos graos

Matrícula

P'aportar a los itinerarios n'inglés, los candidatos tendrán de llograr a lo menos una nota de 7 (Notable) n'Idioma Inglés nes Pruebes d'Accesu a la Universidá (EBAU/PAU) o acreditar un nivel B1 d'Inglés. Los qu'apuerten per otra vía van tener qu'acreditar un nivel B1 d'inglés.

La selección va realizar en función de la nota d'accesu (si los estudios nun tienen llende de places) o almisión (si los estudios tienen llende de places). En casu de que queden vacantes, otros estudiantes van poder escoyer tamién delles asignatures del itinerariu n'inglés, anque nun deseyen completalo. Igualmente van ser escoyíos en función de la nota d'accesu o almisión a los estudios correspondientes.

Aquellos estudiantes de nuevu ingresu qu'escoyeren un itinerariu billingüe y consideren qu'el so nivel de llingua inglesa nun ye'l fayadizu pal siguimientu de la docencia o pa realizar les pruebes d'evaluación, van tener la opción de camudase a los grupos con docencia n'español mientres los 15 primeros díes de cada semestre.

Cursos de refuerzo

Los Cursos de refuerzu" de la Universidá tienen como oxetivu que los estudiantes puedan siguir con aprovechamientu les clases impartíes en llingua inglesa na titulación billingüe. Estos cursos enceten conteníos léxicu-semánticos, sintácticos, pragmáticos y fonolóxicos correspondientes al nivel B1 d'inglés. En cada casu, va faese especial fincapié na terminoloxía propia de les disciplines que depués se vaigan a cursar.

Profesores acreitaos

Estos itinerarios tán impartíos por profesoráu acreditáu pa impartir docencia n'inglés. El Campus d'Excelencia Internacional financió nos últimos años diversos cursos de capacitación llingüística destinaos al profesoráu que deseya participar nos itinerarios billingües.