Los estudiantes que llograren una plaza en dalguna d'estes titulaciones tendrán de formalizar la so matrícula del 23 al 29 d'agostu | Los estudios con nota d'accesu más alta son: Medicina (12,950) y el Doble Grau en Matemátiques y Física (12,906 opción A y 13,154 opción B)
La Universidá d'Uviéu fixo pública la tercera llista d'almitíos de la Fase A. Los estudiantes almitíos tendrán de formalizar agora la so matrícula del 23 al 29 d'agostu. Quien nun formalice la matrícula va dexar la plaza llibre y va correr la llista d'axudicaciones. Recuérdase la obligación d'anovar la solicitú para la llista d'espera para aquellos estudiantes que nun llograren plaza en nenguna titulación o que nun se matricularon de la plaza asignada. El periodu de reclamaciones tamién va tar abiertu dende'l 23 al 29 d'agostu.
El 31 d'agostu publicará la cuarta llista d'almitíos de la Fase A y la primer axudicación de places de la Fase B.
Les notes de corte d'esta tercer axudicación son provisionales, yá que a midida que queden places llibres dirán cubriéndose con estudiantes en llista d'espera. Nesta primer fase, los estudios de grau con nota d'accesu más alta son: Medicina (12,950) y el Doble Grau en Matemátiques y Física (12,906 Opción A y 13,154 Opción B).
