La Universidá d'Uviéu va acoyer ente'l 22 y el 24 de marzu la XIII Lliga d'Alderique Interuniversitario del Grupu 9 d'Universidaes (G-9) que tien como oxetivu fomentar ente l'alumnáu'l diálogu y la confrontación d'idees en públicu como exerciciu de convivencia. Los equipos de les nueve universidaes participantes tendrán d'aldericar sobro una tema de plena actualidá: ¿Ye fayadizu considerar la enerxía nuclear como xuna enerxía verde pa la transición enerxética?

 

La universidá asturiana va habilitar pa la ocasión varies de les aules del Edificiu Históricu que van recibir a los estudiantes ente'l 22 y el 24 de marzu. El mesmu día 22 va desenvolvese'l certame al meyor discursu pa premiar la capacidá oratoria de los estudiantes, que van conocer la tema de la so intervención con 24 hores d'antelación. La gran final va tener llugar el 24 de marzu na see de la Xunta Xeneral del Principáu. L'equipu ganador va recibir 2000 euros como gratificación y el segundu clasificáu, 1000 euros.

 

Como fase previa a la celebración d'esti certame del G-9, la Universidá d'Uviéu ta entamando la so XI Lliga d'Alderique, de la que van salir los representantes asturianos nel concursu interuniversitario. La Universidá d'Uviéu quier animar a tol so estudiantáu a participar nesta fase autonómica que va tener llugar el 25 de febreru nel Edificiu Históricu. Toos aquellos alumnos que quieran participar tienen de plazu hasta'l 20 de febreru pa formalizar la inscripción nel siguiente corréu: grupodebateuniovi.es Quien deseyen participar nel certame asturianu tendrán de responder a la mesma entruga del concursu interuniversitario.  

 

L'alderique va consistir na confrontación ente dos equipos que, tres sortéu previu, van defender respectivamente la respuesta afirmativa y la respuesta negativa, coles llimitaciones de tiempu y forma recoyíes nel Reglamentu de la Lliga d'Alderique, sobro si ¿ye fayadizu considerar la enerxía nuclear como xuna enerxía verde pa la transición enerxética? Cada equipu tendrá de tar conformáu por un mínimu de trés y un máximu de cinco alumnos matriculaos nun grau o máster de la Universidá d'Uviéu. El premiu pa el ganadores va ser representar a la Universidá d'Uviéu nel interuniversitario del G-9.

 

Les lligues d'alderique gocien d'una llarga y prestixosa tradición nes universidaes anglosaxones. N'España, el Grupu 9 d'Universidaes, del que forma parte la d'Uviéu xuntu coles d'Isles Baleares, Pública de Navarra, País Vascu, Estremadura, Zaragoza, La Rioxa, Cantabria y Castiella-La Mancha, punxo en marcha fai 15 años la Lliga d'Alderique Interuniversitario, qu'esti cursu va algamar la so decimotercer edición, dempués de dos cursos ensin poder celebrase por cuenta de la pandemia de coronavirus.