Noticias

  • Estudiantes del Máster d'Hestoria del Arte presenten nel Edificiu Históricu la esposición Par XIII. Una nueva percepción

    20 de Xunetu 2021

    L'amuesa axunta a una serie d'artistes qu'ellaboren los sos relatos vitales al traviés de distintos técniques, soportes y estilos.

    Par XIII.
    La Sala d'Esposiciones del Edificiu Históricu acueye del 21 de xunetu al 22 d'agostu Par XIII. Una nueva percepción", una amuesa xestionada y escoyida polos alumnos del Máster Universitariu n'Estudios Avanzaos n'Hestoria del Arte: Investigación y Xestión, que dirixe la catedrática Ana Fernández.  En concretu, los alumnos responsables de l'amuesa son Alessandro Favero, Beatriz Rodríguez, Coral García, Lucía Pérez y Navia de la Torre. 
     
    Par XIII. Una nueva percepción pretende, según espliquen los sos responsables, crear una instalación espositiva inclusiva y multisensorial. "La creación d'una obra d'arte nun puede responder solamente a la espresión del ceador, a la so voluntá de dar forma material a los sos pensamientos y creaciones. Sería un arte mudo, incapaz de tresmitir y dialogar col otru individuu que s'avera a la esperiencia. L'arte, como mediu de comunicación, ye un procesu nel que tán arreyaos l'artista y l'espectador. Nesa relación, dambes partes ardíciense, por llegar a entender realidaes distintes a la mesma, yá que con una amuesa de la realidá suxetiva individual del artista puedes averate a la comprensión d'esperiencies individuales", espliquen los alumnos comisarios de la obra.
     
     
    Pa consiguir esti oxetivu, l'amuesa colectiva axunta a una serie d'artistes qu'ellaboren los sos relatos vitales al traviés de distintos técniques, soportes y estilos. El filo conductor de toos el ceadores ye la capacidá de reflexar al traviés de la so obra los distintos estímulos y reflexones qu'esperimenten na so cotidianidá. En concretu, en Par XIII. Una nueva percepción van amosase obres de los siguientes artistes: Antoni Abad, Ataulfo Casado, Claudio Iglesias, Costa Badía, David Escalona, José Soto Chica, Juan Diego Ángulo Ruiz, Juan Isaac Silva y Vicente Marzal.
     
     

    Documentos Rellacionaos:



Buscar