Noticias

  • La Universidá d'Uviéu va aldericar sobro la importancia del tresformamientu dixital nel contestu de la COVID-19

    07 de Mayu 2021

    L'I Congresu Internacional de Tresformamientu Dixital en Redolaes d'Aprendizaxe (CITEA 2021) va dexar conocer y compartir les esperiencies de tresformamientu dixital que se lleven a cabu nel ámbitu educativu

    La Universidad de Oviedo debatirá sobre la importancia de la transformación digital en el contexto de la COVID-19

    Conocer y compartir les esperiencies de tresformamientu dixital que se tán llevando a cabu nel ámbitu educativu. Este ye l'oxetivu principal del I Congresu Internacional de Tresformamientu Dixital en Redolaes d'Aprendizaxe (CITEA 2021), qu'entama la Facultá de Formación del Profesoráu y Educación de la Universidá d'Uviéu en collaboración cola empresa de videoxuegos Cuicui Studios. Esti alcuentru, que se va desenvolver de forma totalmente virtual ente los díes 13 y 15 de mayu, naz en detectándose la necesidá d'afaer los métodos d'aprendizaxe nel contestu xeneráu pola pandemia de la COVID-19.

    Celestino Rodríguez, decanu de la Facultá de Formación del Profesoráu y Educación, destaca que la idea d'entamar esti congresu surde en comprobándose los problemes causaos pol coronavirus na redolada educativa. "Detectemos dificultaes tanto pa los docentes como pal estudiantáu. Problemes pa llevar a cabu les evaluaciones, problemes causaos pola fienda dixital nel alumnáu… Esta iniciativa pretende que, de cara al futuru, podamos tar más preparaos pa fae-yos frente", comenta.

    CITEA 2021 va cuntar cola presencia d'espertos y profesionales de la educación que van encetar, por aciu meses redondes, ponencies y trabayos científicos, temes como les estratexes y esperiencies de tresformamientu dixital na comunidá educativa, el tresformamientu dixital na evaluación ya intervención psicoeducativa, l'aprendizaxe y digitalización na redolada social y familiar, les esperiencies d'aprendizaxe y digitalización en contestos profesionales y les esperiencies d'innovación ya investigación en Formación Profesional.

    "La digitalización llegó pa quedase non solo pola situación sanitaria provocada pola COVID-19, sinón tamién por ser xuna cuestión estratéxica pa la mayoría de los gobiernos y la Comisión Europea, como lo demuestra la nueva partida de fondos europeos", sorraya'l decanu. El congresu plantégase según xuna oportunidá pa intercambiar nueves idees, aplicaciones y trabayos d'investigación d'espertos españoles pero tamién llatinoamericanos. Ente los especialistes que van participar en CITEA 2021, destaquen Miguel Nussbaum, director de la revista Computers & Education, o Ignacio Aguaded, presidente y editor xefe del grupu Comunicar.

    El profesor Celestino Rodríguez esplica que'l congresu ye xuna bona oportunidá pa fomentar sinergias ente les instituciones educatives y les empreses. "Ye xuna bona oportunidá pa la facultá porque aspiramos a convertinos nel motor d'esti venceyu ente tecnoloxía y educación. Amás, el tresformamientu dixital ye yá y va ser más nel futuru xuna escelente opción profesional pal estudiantáu de la nuesa facultá", conclúi.



Buscar