Los trés primeros galardones recayeron en Yago Enriba Thomas, Julio Polledo, dambos del Institutu Xovellanos de Xixón, y Claudia Fernández, del Doctor Fleming d'Uviéu
L'Aula 01 de la Facultá de Química acoyó ayeri la entrega de premios de la Olimpiada Rexonal de Química: trés primeros galardones y seis mentes d'honor. L'actu tuvo presidíu por Humberto Rodríguez Solla, vicerrector de Relaciones Institucionales y Coordinación de la Universidá d'Uviéu.
Los alumnos galardonaos son los siguientes:
- Primer premiu: Yago Enriba Thomas, Real Institutu de Xovellanos, Xixón.
- Segundu premiu: Julio Polledo Álvarez, Real Institutu de Xovellanos, Xixón.
- Tercer premiu: Claudia Fernández Fernández, IES Doctor Fleming, Uviéu.
Tamién s'apurrieron seis mentes d'honor. Cuatro d'elles fueron pal Colexu Internacional Meres (Granda), una pal Real Institutu de Xovellanos (Xixón) y otra pal IES Aramo (Uviéu)
Na semeya apaecen los trés primeros clasificaos al pie de les autoridaes presentes nel actu. D'esquierda a derecha: Félix Rodríguez Iglesias, presidente de la Sección Territorial d'Asturies de la Real Sociedá Española de Química; José Manuel Fernández Llombes, coordinador de la Comisión organizadora de la Olimpiada Química; Susana Fernández González, decana de la Facultá de Química de la Universidá d'Uviéu; Miguel Ferrero Fuertes, presidente de l'Asociación de Químicos del Principáu d'Asturies; Humberto Rodríguez Solla, vicerrector de Relaciones Institucionales y Coordinación de la Universidá d'Uviéu; los trés alumnos premiaos; José Carlos Rubio Fernández, decanu del Colexu Oficial de Químicos d'Asturies y Llión; y César González Prieto, director Xeneral de Personal Docente de la Conseyería d'Educación del Principáu d'Asturies.