Les insinies d'oru estremen a aquelles persones, tantu del personal docente ya investigador como del personal técnico de xestión, alministración y servicios, que cubrieron 35 años de serviciu, y les de plata, a les que trabayaron mientres 25 años na institución académica | El rector Ignacio Villaverde destaca, dirixiéndose a los homenaxaos, que “siempres vais ser universidá y ta siempres va ser la vuesa casa”
La Universidá d'Uviéu celebró esta mañana l'actu d'imposición de les insinies d'oru y plata a los miembros de la comunidá universitaria que lleguen a la edá de xubilación. Les insinies d'oru estremen a aquelles persones, tantu del personal docente ya investigador como del personal técnico de xestión, alministración y servicios, que cubrieron 35 años de serviciu, y les de plata, a les que trabayaron mientres 25 años na institución académica. Mientres l'actu, especialmente emotivu, apurriéronse tamién les distinciones a títulu póstumu a los emplegaos finaos.
Villaverde, que tuvo arropáu pol so equipu rectoral y polos exrectores Vicente Gotor y Santiago García Granda, tuvo palabres d'agradecimientu escontra les persones reconocíes güei polos servicios emprestaos a la institución. El rector sorrayó que'l términu xubilación, ta íntimamente amestáu a un momentu vital, que se caracteriza por detenese, cavilgar y celebrar. “Ye un momentu para repasar la vida, pero tamién para dexar tras les cargues y los cargos”, fixo fincapié Villaverde. El máximu responsable de la institución académica dirixióse a les persones homenaxaes a quien-yos dixo que, el de güei, nun ye un actu de despidida, sinón de “celebración, empiezu y agradecimientu”. “Queremos dicivos –manifestó-yos el rector—que siempres vais ser universidá y que esta siempres va ser la vuesa casa”.
