El Vicerrectorado d'Estudiantes de la Universidá d'Uviéu acoyó'l xueves 22 de febreru la presentación de los trabayos realizaos polos estudiantes asistentes al taller de sensibilización vial “European Roads: safety tunes”, entamáu por esti vicerrectorado xuntu cola Dirección Xeneral de Tráficu (DGT). Mientres l'actu, apurriéronse los diplomes d'asistencia per parte d'Andrés Medina, en representación de la DGT, y d'Alfonso López Muñiz, vicerrector d'Estudiantes. Los trabayos de los estudiantes punxeron el focu nos peligros del usu del teléfonu móvil tantu cuando somos peatonos como cuando conducimos un vehículu. Los medios escoyíos para la tresmisión del mensaxe fueron cartelería con eslogan y TikTok.