Esta asociación, con see n'Estaos Xuníos, rexunta a casi 300 académicos distinguíos, que representen a 29 países y 30 disciplines de la conocencia | Celestino Rodríguez ye caderalgu de la Área de Psicoloxía Evolutiva y de la Educación y decanu de la Facultá de Formación del Profesoráu y Educación de la Universidá d'Uviéu
El catedráticu de la Área de Psicoloxía Evolutiva y de la Educación y decanu de la Facultá de Formación del Profesoráu y Educación de la Universidá d'Uviéu, Celestino Rodríguez, foi escoyíu presidente de l'Academia Internacional para la Investigación en Dificultaes d'Aprendizaxe (IARLD, poles sos sigles n'inglés). Esta institución, con see n'Estaos Xuníos, rexunta a casi 300 académicos distinguíos, que representen a 29 países distintos y 30 disciplines.
Celestino Rodríguez va asoceder a Anmmarie Urso (SUNY Geneseo University, EEXX). La IARLD ye una asociación americana con investigadores acomuñaos por invitación, de too el mundu, dedicada al estudiu de les dificultaes d'aprendizaxe. Esta academia tien ente los sos oxetivos la promoción y el desenvolvimientu de la investigación nel campu de les dificultaes d'aprendizaxe y educación inclusiva. Ente les sos actividaes principales, l'asociación entama'l so congresu añal, alternando xuna ciudá d'Estaos Xuníos onde tien see l'asociación – l'últimu congresu foi en Florida State University-- y otra ciudá del mundu –el próximu congresu va ser en Kielce, Polonia--, amás de tener revistes acomuñaes y programes de beques y ayudes.
L'academia ye un grupu electu de científicos, educadores y médicos de primer nivel nel campu de les dificultaes d'aprendizaxe en tol mundu. Foi creada en 1976 pol Dr. William Cruickshank (Estaos Xuníos) y el Dr. Jacob Valk (Países Baxos), axuntaos en Canadá col enfotu de apurrir un foru pal intercambiu d'información y la meyora de les conocencies sobro los problemes d'aprendizaxe. Dende la so creación, la institución cumplió la so misión de ser un consorciu profesional, internacional ya interdisciplinariu de científicos. Na actualidá, cuenta con casi 300 académicos distinguíos, que representen a 29 países distintos y 30 disciplines.
Na so hestoria como asociación, la IARLD fomentó la investigación internacional nel campu de les dificultaes d'aprendizaxe, desenvolvió xuna serie de monografíes d'investigación, caltuvo xuna publicación interna esclusiva, International Journal for Research in Learning Disabilities (IJRLD), que se publicar dos vegaes al añu, y convocó coloquios internacionales dirixíos a les esmoliciones nel estudiu de la investigación en dificultaes d'aprendizaxe. En el so primeres casi 50 años, tuvo un impactu significativu nesti campu.
