Irene Díaz Rodríguez, catedrática de Ciencia de la Computación ya Intelixencia Artificial, va ser la nueva vicerrectora d'Investigación de la Universidá d'Uviéu. Sustitúi nel cargu a Antonio Fueyo, que se va xubilar esti cursu, nun relevu que tien por oxetivu facilitar una transición progresiva n'un área clave para la institución. El rector de la Universidá d'Uviéu, Ignacio Villaverde, quixo estimar el llabor y dedicación de Fueyo al frente del vicerrectorado y reconoció “l'esfuerzu realizáu pol vicerrector nun momentu complicáu, marcáu pola crecedera de la producción investigadora y los cambeos na xestión”. 

Irene Díaz Rodríguez (Llugones, 1973) ye llicenciada en Matemátiques pola Universidá d'Uviéu y doctora n'Informática pola Universidá Carlos III de Madrid. Catedrática de Ciencia de la Computación ya Intelixencia Artificial, llega al Vicerrectorado d'Investigación con trés oxetivos claves: trabayar nel analís y la simplificación de procedimientos para, asina, allixerar a el investigadores la carga de trabayu acomuñada a la xestión de los proyectos; poner en marcha la nueva estructura del serviciu y diseñar el nuevu Plan Propiu d'Investigación.

La nueva vicerrectora cuenta con una llarga esperiencia na xestión universitaria, en concretu nel Departamentu d'Informática, del que foi primero secretaria, d'ochobre de 2016 a ochobre de 2020, y dende esa fecha, directora. La so actividá académica ya investigadora centróse na Intelixencia Artificial dende l'empiezu de la so carrera profesional. Na actualidá, imparte docencia nel grau n'Inxeniería Informática del Software y nel grau en Ciencia ya Inxeniería de Datos. 

Publicó más de 80 artículos en revistes de reconocíu prestíu y realizó un centenar de collaboraciones en congresos y capítulos de llibros. La so área d'investigación principal ye'l desenvolvimientu de modelos y métodos teóricos para la fusión de datos y la so aplicación en diversos campos como la biomedicina, l'agricultura o l'analís d'imaxes. Esta investigación realizóse en parte gracies a la so participación de forma siguida en proyectos d'investigación d'ámbitu rexonal, nacional y européu, llograos en concurrencia competitiva. 

Dirixió siete tesis doctorales y participáu n'actividaes de tresferencia con diverses empreses de la rexón. Tamién ye editora d'área o acomuñada de revistes relevantes nel ámbitu de la Intelixencia Artificial (Journal of Ambient Intelligence and Humanized Computing, Soft Computing y Engineering Applications of Artificial Intelligence). Ye evaluadora de proyectos d'investigación para la AEI (Axencia Estatal d'Investigación), la SRDA (Axencia d'Investigación y Desenvolvimientu de Eslovaquia) y del programa HORIZON-EIC de la Unión Europea. Tamién pertenez a la comisión de acreditación EURU-INF y evaluadora na división d'enseñanza y evaluación de ANECA y en dellos programes para l'Axencia calidable del Sistema Universitariu de Galicia.