Crue Universidaes Españoles manifiesta la so esmolición y refugu pola esguilada bélica n'Oriente Próximu colos fechos asocedíos estos últimos díes n'Israel y Palestina. Como sistema universitariu, Crue reafita'l so compromisu cola paz, la xusticia, los derechos humanos y los valores democráticos, contrarios a cualquier guerra o actu terrorista.

El rectores y rectores de les 76 universidaes qu'integren Crue treslladen la so solidaridá cola población civil y les comunidaes universitaries y científiques d'Israel y Palestina, gravemente afectaes polos bombardeos. Amás, ufierten la so cooperación, al traviés de les redes académiques y de relaciones institucionales por que, na midida de lo posible, puedan siguir desenvolviendo la so actividá con garantíes de seguridá.

Crue Universidaes Españoles reclama que la diplomacia impóngase como la principal vía de resolvimientu d'esti conflictu, que, de nun frenase, podría tener consecuencies devastadoras a nivel mundial.

La violencia ye absolutamente incompatible col espíritu de la Universidá y les instituciones académiques y científiques tienen de caltenese como espacios de paz y cooperación, polo que la conferencia de rectores repite l'apueste pol diálogu y la negociación para'l resolvimientu d'este y de tolos conflictos bélicos.