Dambes instituciones roblaron güei un protocolu de collaboración para fomentar actividaes que promocionen y favorezan mecanismos de sofitu en situaciones d'intervención profesional nel ámbitu social, xudicial, formativu y educativu
Establecer un marcu de cooperación para estrechar relaciones ente la Universidá d'Uviéu y la Confederación pol Meyor Interés de la Infancia (CEMIN) y xunir esfuerzos que promuevan la collaboración y participación na realización d'acciones ya iniciatives a favor de la infancia y l'adolescencia. Este ye l'oxetivu principal del protocolu de collaboración robláu güei ente la Universidá d'Uviéu y CEMIN, que pretende, amás, entamar y desenvolver actividaes que favorezan mecanismos de sofitu en situaciones d'intervención profesional nel ámbitu social, xudicial, formativu y educativu.
El protocolu de collaboración, robláu esta tarde pol presidente de la Confederación pol Meyor Interés de la Infancia, Gerardo Rodríguez-Acosta Gómez, y pol rector de la Universidá d'Uviéu, Ignacio Villaverde, va tener xuna vixencia de cuatro años y va dir acompañáu de convenios específicos pa les distintes acciones. Nesti sentíu, Ignacio Villaverde señaló la importancia de cuntar “esti marcu xeneral nel que la Universidá d'Uviéu y CEMIN van poder collaborar col fin de promover l'interés cimeru de la infancia y l'adolescencia n'ámbitos d'intervención profesional que puedan condicionar el so bienestar”.
El rector de la Universidá d'Uviéu fixo fincapié na importancia de que la institución académica collabore con organismos como Cemin, que “ufierta criterios interpretativos y emponedores, dende una visión independiente de lo que constitúi l'interés cimeru de la infancia y l'adolescencia” y, que “ta integrada por profesionales de distintos ámbitos d'intervención que ponen al serviciu de la sociedá les sos conocencies y dedicación, pa velar y trabayar pol interés de la infancia y adolescencia”. “Ellos conocen de primera esquito les necesidaes y la realidá del so ámbitu d'actuación y l'universidá puede apurrir la so conocencia esperta y la so capacidá d'analís y espardimientu”, dixo.
Al pie de Ignacio Villaverde y a Gerardo Rodríguez Acosta, tuvieron presentes na firma del conveniu Robeca Cerezo, directora d'área de Cooperación, Tercer Sector y Responsabilidá Social del Vicerrectorado de Relaciones Institucionales y Coordinación de la Universidá d'Uviéu y Ana María Muñiz Casares, representante n'Asturies de CEMIN.
