La Universidá d'Uviéu presentó güei los diez escurres que van participar na segunda edición de la so Ecosystem Integration TalentUO Lab, un llaboratoriu d'esperimentación, innovación y producción colaborativa que naz gracies al conveniu de collaboración ente la Universidá d'Uviéu y Banco Santander al traviés de Santander Universidaes. La institución académica convida agora a toles persones ya instituciones comenenciudes a collaborar nel desenvolvimientu d'estes idees. El principal oxetivu d'esti llaboratoriu ye'l diseñu de prototipos y dar forma a idees nun procesu d'esperimentación y aprendizaxe colaborativo col fin de contribuyir a la creación o aceleración de start ups pa fomentar el emprendimiento naciente na mesma universidá y sofitar el emprendimiento activu.

Les diez idees escoyíes fueron presentaes nel Edificiu Históricu de la Universidá d'Uviéu nun actu que cuntó cola presencia d'Ignacio Villaverde, rector de la Universidá d'Uviéu; Begoña Cueto, vicerrectora de Tresferencia y Relaciones cola Empresa; Ana Suárez, directora de la área d'Empleabilidá y Emprendimiento, el coordinadores del llaboratoriu, el profesores Jesús Fernández y Andrea Martínez Noya; Juan Manuel Ballesteros, director comercial n'Asturies de Banco Santander, y Paz Valdés, responsable d'Instituciones de Banco Santander.

Les propuestes que van competir na segunda edición del llaboratoriu son les siguientes:

Simulador de Fisioloxía Comparada. Diseñu y creación d'un simulador pa visualizar distintes funciones fisiolóxiques en distintes especies.
Proyectu InHome. Sistema de monitorización domiciliariu pa mayores pa evaluar los factores qu'inflúin en cuestiones como la fraxilidá y la soledá.
Scatien (scaffold for tissue engineering). Desenvolvimientu de soportes pa la crecedera de texíos humanos.
Heat Track. Sistema por que xuna instalación de calefacción eléctrica pueda optimizar el so consumu faciendo un siguimientu periódicu del preciu de la lluz.
Octopus-Kids. Dispositivu inmovilizador en pediatría. Tratar de desenvolver un dispositivu pa facilitar la inmovilización del brazu en neños.
SOPLÍU (Asistencia respiratoria n'emerxencies en coches). Sistema intelixente d'asistencia respiratoria diseñáu pa persones con discapacidá que suministre aire en casu de atrapamiento en coches.
El Abeiro: la exponencialidad de la ciencia y l'arte nel so conxuntu. Xeneración de productos combinando proyectos científicos (doctorandos, técnicos, investigadores) con artistes: música, pintura, escritura...
Sentir. App móvil pal Entrenamientu Auditivu. App móvil pa la evaluación de les habilidaes de procesamientu auditivu y el so entrenamientu, pal so caltenimientu y meyora.
Fontes Asturiensis. Ellaboración d'una base de datos que aúne la documentación altomedieval asturiana pa ponela a disposición de tola ciudadanía.
Biorreact. Creación d'una empresa capaz d'instalar y revisar el funcionamientu de biorreactores en plantes depuradores pa la producción d'enerxía.

El llaboratoriu ta abiertu a tou tipu de persones que deseyen collaborar con dalguna de les 10 propuestes escoyíes y aprender. Pa ello, tienen d'inscribise como collaboradores na web del proyectu hasta'l 18 de xunetu. Toles persones inscrites como collaboradores van recibir xuna invitación pa inscribise en TalentHei Factory, xuna ferramienta creada pola Universidá d'Uviéu a partir de la so participación nel proyectu del European Institute of Innovation and Technology Building Ecosystem Integration Labs at HEI to Foster Smart Specialization and Innovation on Sustainable Raw Materials. 

TalentHei Factory va dexar xunir a persones promotores y collaboradores que van participar, tres les vacaciones branices, na fase de llaboratoriu que se va desenvolver mientres los meses de setiembre y ochobre. El 19 d'ochobre escoyerán les trés idees con mayor proyección de negociu que van recibir un incentivu de 10.000 euros caúna, en conceutu de capital grana, pa siguir na fase d'incubación y constituyise como start-up. La coordinadora d'esta segunda fase ye Andrea Martínez Noya, profesora d'Economía Financiera.

Ignacio Villaverde destacó güei que les diez propuestes escoyíes dan bona cuenta del muncho talentu que ye capaz de xenerar la Universidá d'Uviéu y del aciertu que supunxo crear un vicerrectorado como'l de Tresferencia que allanara el camín ente la universidá y l'empresa. “Universidá y Empresa diéronse'l llombu demasiao tiempu y creo que tenemos que ser capaces de trabayar xuntos, ello ye que yá lo tamos faciendo y tamos consiguiendo los primeros frutos”, sorrayó'l rector. 

El Ecosystem Integration TalentUO Lab surdió'l pasáu añu como un puntu d'alcuentru y diálogu ente los distintos TalentUO Labs o espacios de emprendimiento colos que cunta la Universidá d'Uviéu en distintos centros universitarios. Ye un espaciu abiertu por que persones diverses puedan atopase, trabayar y equivocar xuntes en redol a idees o problemes que van desenvolver al traviés d'un procesu d'esperimentación y prototipado col acompañamientu de profesionales (mentores, mediadores y facilitadores).

Esti proyectu nació del alcuerdu de collaboración que la Universidá d'Uviéu y Banco Santander caltienen dende 2005 al traviés de Santander Universidaes pa impulsar programes de formación y beques, emprendimiento y empleabilidá pa la comunidá universitaria. Santander caltien un firme compromisu col progresu y la crecedera inclusivo y sostenible con un apueste pionero y consolidao pola educación, la empleabilidá y el emprendimiento, que desenvuelve dende fai más de 26 años y estrémalu del restu d'entidaes financieres del mundu. El bancu destinó más de 2.200 millones d'euros y sofitó a más d'un millón d'estudiantes, profesionales y pymes al traviés d'alcuerdos con más de 1.300 universidaes (www.santander.com/universidaes).