La institución académica participa nesta rede al traviés del grupu d'investigación Innovación educativa con TIC y en Redolaes Virtuales d'Aprendizaxe-IETIC-EVEA empobináu pola profesora Aquilina Fueyo ya integráu por profesoráu del Departamentu de Ciencies de la Educación
La Universidá d'Uviéu participa na Rede Universitaria d'Investigación ya Innovación Educativa. Conectando redes y promoviendo la conocencia abierta (REUNI+D), que foi financiada pol pol Ministeriu de Ciencia ya Innovación, y que ye una de les trés redes d'excelencia n'investigación n'educación que foi escoyida d'ente más de 200 proyectos solicitantes.
Nesta Rede intégrense 14 grupos d'investigación de 13 universidaes españoles y participen más de 150 investigadores/as (Uviéu, Cantabria, Salamanca, Sevilla, Barcelona, Estremadura, Complutense de Madrid, Málaga, Granada, Santiago de Compostela, País Vasu y La Llaguna y Valladolid). Estos grupos establecieron xuna relación profesional bien positiva a lo llargo de les últimes décades que benefició'l llabor investigador de los miembros de la Rede y la so proyección internacional especialmente. Amás, la Rede ye socia fundadora de la Rede Transdisciplinar d'Investigación Educativa (RETINDE; http://www.retinde.es/).
De la Universidá d'Uviéu participa nesta Rede'l grupu d'investigación acreditáu “Innovación educativa con TIC y en Redolaes Virtuales d'Aprendizaxe-IETIC-EVEA” empobináu pola profesora Aquilina Fueyo ya integráu por profesoráu del Departamentu de Ciencies de la Educación
Los principales oxetivos de la rede, que la so duración va ser de dos cursos (hasta finales de 2024) son:
Afondar nel campu de la ciencia abierta y la so conexón colos llaboratorios ciudadanos como redolaes de trabayu qu'aguiyen el desenvolvimientu de la conocencia abierta.
- Consolidar la comunidá de práctica ya investigación de prestíu nacional ya internacional al traviés del fomentu de sinergias ente los grupos d'investigación de la Rede.
- Fomentar la conexón con redes d'investigación allegaes, tanto a nivel nacional como internacional
- Desenvolver acciones de formación y desenvolvimientu de capacidaes de mozos investigadores ya investigadores pa la ciencia abierta y la sociedá de la innovación.
L'actividá de la rede va dexar siguir desenvolviendo nueves propuestes investigadores qu'integren el potencial de diversos grupos d'investigación, contribuyendo a la innovación metodolóxica nes perspectives d'analises de la realidá educativa. Al traviés de diverses acciones formatives, tanto de calter virtual (Webinar, seminarios) con formatu abiertu, como presencial (xornaes, workshop), van espublizase propuestes metodolóxiques novedoses (alternatives) d'investigación centraes na ciencia abierta y los llaboratorios ciudadanos poles qu'apuesten los grupos de la Rede, en tolos casos con una fuerte proyección internacional.
