La Universidá d'Uviéu presentó esta mañana'l so primer Festival Universitariu de Música Iberoamericana musicUO, un ciclu que tien por oxetivu llevar la música clásico y popular d'España y América, a los conceyos d'Asturies. Esti certame, que se va desenvolver ente'l 24 de mayu y el 16 de xunu, pretende tamién retomar los festivales de música que fueron emblema de la institución académica mientres el pasáu sieglu.

El programa d'esti primer ciclu foi presentáu esta mañana nun actu nel que tuvieron presente Ignacio Villaverde, rector de la Universidá d'Uviéu; María Pilar García Cuetos, vicerrectora d'Estensión Universitaria y Proyección Cultural; y Ramón Sobrín, catedráticu de Musicoloxía y codirector del certame, xuntu a Cosme Marina, director artísticu y críticu musical.

El rector destacó qu'esti certame enmárcase dientro de la estratexa UO Territoriu, xuna prioridá de la institución académica, que pretende afitar la presencia de la Universidá d'Uviéu n'actividaes, de too tipu, tamién culturales, fora d'aquelles localidaes nes que s'alluguen los sos campus. “Nesta ocasión y gracies al trabayu del Vicerrectorado d'Estensión y Proyección Cultural, vamos collaborar colos conceyos de La Ribera, Piloña, Navia y Llangréu y tamién cola Orquesta Sinfónica del Principáu d'Asturies (OSPA) y con Uviéu Filarmonía (OFIL); a toos ellos quiero estima-yos el so compromisu”, sorrayó Villaverde.

Investigación ya interpretación
La vicerrectora d'Estensión Universitaria y Proyección Cultural esplicó que, con esti ciclu, la universidá aúna les resultancies de la investigación de l'actividá académica y l'interpretación musical. “Esti primer festival va dexanos espublizar na sociedá asturiana'l llabor investigador musicolóxica, particular, y humanística, polo xeneral”. Con esti propósitu, “nos conciertos de musicUO, van estrenase o van interpretar creaciones musicales recuperaes o analizaes por investigadores ya investigadores venceyaos a la Universidá d'Uviéu o otres universidaes”, añedió. 

El repertoriu interpretáu nos distintos conciertos va tar venceyáu a la música iberoamericana, esto ye, a toes aquelles manifestaciones musicales de la península ibérica y del continente americanu colos qu'históricamente la institución académica caltuvo xuna relación bien estrecha. “El repertoriu nun se va llindar al ámbitu académicu, anque va ser la so llínea principal, sinón que tamién va encetar les llamaes músiques populares”, sorrayó la vicerrectora.

Ramón Sobrín, codirector del festival, indicó qu'esta primer edición va xirar en redol a la compositora uvieina María Teresa Prieto quien se exilió, mientres la Guerra Civil española, en México, onde desenvolvió gran parte de la so carrera musical. “El nuesu propósitu ye dar visibilidá a la obra y a la figura d'una muyer compositora que, amás, ye asturiana”, resaltó.

El programa completu d'esti ciclu, qu'inclúi conferencies ya interpretaciones musicales, ye'l siguiente:

Miércoles, 24 de mayu | 20:00 hores
Concierto de música popular OPUS SURAMÉRICA ACÚSTICA Centru Cultural
La Caballería, La Ribera.
Vienres, 26 de mayu | 19:00 hores
Concierto de música popular OPUS SURAMÉRICA ACÚSTICA Paraninfu.
Edificiu Históricu de la Universidá d'Uviéu.
Miércoles, 31 de mayu | 19:00-20:00 hores
Concierto de la Orquesta Universitaria en Llangréu Nuevu Teatru de La Felguera..

Conferencia de Tania Perón. «México y Asturies al traviés de la música vocal de María Teresa
Prieto (1895-1982)»
Conciertu d'Ana Nebot, repertoriu de María Teresa Prieto Centro Cultural
La Caballería, La Ribera.
Xueves, 1 de xunu | 19:00 hores.
Conferencia de Ramón Sobrino Sánchez. «Redescubriendo la música sinfónica de la España del
XIX: Carnicer, Marqués y Bretón»
Sala de Cámara del Auditoriu «Príncipe Felipe» d'Uviéu.
Conciertu de OFIL
Auditoriu Príncipe Felipe.
Vienres, 2 de xunu | 19:00 hores.
Conciertu d'Ana Nebot, repertoriu de María Teresa Prieto La Benéfica (Piloña).

Miércoles, 7 de xunu | 19:00 hores.
Conciertu del coru Universitariu Capiya del
Edificiu Históricu de la Universidá d'Uviéu.
Xueves, 8 de xunu | 19:00 hores
Concierto d'Ana Nebot, repertoriu de María Teresa Prieto Paraninfu.
Edificiu Históricu de la Universidá d'Uviéu.
Sábadu, 10 de xunu | 17:00 hores
Concierto de la Orquesta universitaria en Piloña Santuariu de la Cueva,
Piloña.
Domingo, 11 de xunu | 20:00 hores
Concierto de música popular OPUS SUDAMÉRIRCA ACÚSTICA Teatru Fantasio,
Navia.
Martes, 13 de xunu | 19:00 hores.
Charra-conciertu sobro salterios medievales al cargu de Carlos
Paniagua y Begoña Olavide
Capiya del Edificiu Históricu de la Universidá d'Uviéu.
Xueves, 15 de xunu | 20:00 hores
Charra-conciertu sobro salterios medievales al cargu de Carlos
Paniagua y Begoña Olavide
Centru Cultural La Caballería, La Ribera.
Vienres, 16 de xunu | 19:00 hores
Conferencia de Ramón Sobrino Sánchez. «Soledá Bengoechea, Mª Teresa Prieto y
Pedro Miguel Marqués: trés compositores que tornen a los atriles sinfónicos»
Sala de Cámara del Auditoriu «Príncipe Felipe» d'Uviéu.
Conciertu de la OSPA
Auditoriu Príncipe Felipe.