Los residentes d'anguaño en MediaLab, toos ellos estudiantes de la Universidá d'Uviéu, impartieron más de 100 talleres ente 1.500 escolares, mientres el pasáu mes d'abril, pa espertar les vocaciones STEAM ente los más nuevos. Con esti propósitu, los residentes recibieron formación en comunicación y afixeron los sos proyectos non solo a trés niveles: Primaria, Secundaria y Bachilleratu; sinón tamién a los distintos perfiles d'aprendizaxe.

En concretu, participaron los colexos de Xixón: Calderón, CODEMA, el Llanu, Xovellanos, Inmaculada, Laviada, L'Asunción, Manuel Martínez, Periconos, San Vicente, San Llorienzo, Pinzales, Tremañes y Virxe Reina.

MediLab impartió talleres en nueve modalidaes distintes: 
-    Arte ya impresión 3D.
-    Electrónica con Arduino.
-    Manexu de drones.
-    El proyectu Superhéroes de personalización de prótesis por aciu impresión 3D. 
-    Impresión 3D.
-    Sensores electrónicos.
-    ODS.
-    Robótica (rover Asturiosity).
-    Programación con Scratch.

MediaLab apunta que nunca se consiguió xuna intensidá formativa tan alta ente esti llaboratoriu de la universidá y centros escolares de Xixón, col récord nun únicu día en que s'impartieron 15 talleres.

La esperiencia, a tenor de la respuesta de los centros, foi tou un ésitu y consolida esta actividá de la cátedra MediaLab de la Universidá d'Uviéu.