La Universidá d'Uviéu presenta los prototipos del so primer llaboratoriu d'esperimentación, realizáu en collaboración col Santander
Tres dos selmanes de trabayu nel Ecosystem Integration TalentUO Lab, los equipos crearon ocho prototipos que pueden dar llugar a nueves ‘start ups' | Nel llaboratoriu trabayaron estudiantes y personal docente ya investigador con ayuda de collaboradores esternos, mediadores y mentores
Un localizador de ciclistes para la seguridá vial preventiva, un centru social autogestionado, el desenvolvimientu al traviés d'intelixencia artificial d'una cesta de la compra más barata y saludable, un dispositivu para la recoyida aséptica d'escrementos de mascotes. Son dalgunes de los ocho escurres surdíes del primer llaboratoriu d'esperimentación de la Universidá d'Uviéu, lleváu a cabu cola collaboración de Banco Santander. Nes dos selmanes de trabayu, más de 60 participantes trabayaron nesta iniciativa del Vicerrectorado de Tresferencia y Relaciones cola Empresa por aciu procesos d'esperimentación, innovación y aprendizaxe colaborativos.
El llaboratoriu cuntó con un mapa de la conocencia que dexó visualizar les conexones ente les persones participantes y crear sinergia ente elles. Mientres quince díes de trabayu hanse prototipado oxetivos, dispositivos, servicios, organizaciones, práctiques y metodoloxíes relatives a distintos campos de conocencia como la ciencia, la empresa, la tecnoloxía, la salú o la cultura. Nel llaboratoriu, asitiáu nel Edificiu Departamental de la Facultá de Filosofía y Lletres, los equipos cuntaron col acompañamientu de profesionales qu'actuaron de mentores, mediadores y facilitadores. Pudieron, amás, utilizar equipamientos como microordenadores, imprentadores 3D, dispositivos de control de la salú y material gráfico de documentación del procesu.
En tardar de güei, tuvo llugar xuna xornada de puertes abiertes na que se presentaron los prototipos desenvueltos polos siguiente equipos:
- BIOKOMER: Desenvolvimientu d'una cesta saludable al traviés de la intelixencia artificial, xuna propuesta p'ayudar a les families a realizar una cesta de la compra lo más barata y saludable posible al traviés de la intelixencia artificial.
- Centru sociocultural autogestionado "L'Armería". L'arte de fabricar armes culturales, que trata d'aprovechar el complexu urbanísticu de la Fábrica d'Armes.
- Happy Po, dispositivu pa la recoyida aséptica d'escrementos de les mascotes.
- Localizador de ciclistes pa seguridá vial preventiva, que va faer que el conductores detecten a los ciclistes inclusive antes de poder velos, lo qu'amenorgaría'l riesgu en curves y tramos d'escasa visibilidá.
- Monitorización d'elementos por aciu LIDAR low cost, qu'aprovecharía los actuales sistemes LIDAR diseñaos pa ser utilizaos en vehículos autónomos pal analís de la vía y la detección de les distintes torgues que pueden apaecer nes carreteres.
- En busca de nueves estratexes de divulgación científica na Antártida, qu'afonda nes estratexes de divulgación científica de forma creativa, curiosa y d'interés pal públicu polo xeneral que visibilice el trabayu que se va tar desenvolviendo mientres estos años nestes isles remotes de la Antártida.
- iCardioMonitor, qu'escuerre'l desenvolvimientu y evaluación de la factibilidad d'un sistema dixital (ICardioMonitor), como recursu complementariu a la consulta presencial, pa facilitar el siguimientu y monitorización de persones con diagnósticu de insuficiencia cardiaca.
- 12.70 Appelbeer – y si lo faemos distintu?, que busca'l desenvolvimientu y el llanzamientu al mercáu d'una cerveza lleldada con levadura madre de sidra asturiano
La xornada cuntó cola presencia de Begoña Cueto, vicerrectora de Tresferencia y Relaciones cola Empresa; Ana Suárez, directora d'área d'Empleabilidá y Emprendimiento, y Jesús Fernández, coordinador del llaboratoriu. Amás, en representación de Banco Santander, visitaron el llaboratoriu Paz Valdés, responsable d'Instituciones y Juan Manuel Ballesteros, director comercial Asturies. Banco Santander y l'Universidá d'Uviéu collaboren dende fai 17 años pa desenvolver distintos programes de beques y ayudes pal estudiu, el emprendimiento y l'impulsu de la empleabilidá, que beneficien a 600 estudiantes, entamadores ya investigadores de la universidá cada añu.
Galería d'imaxes
Links
